Laplaand – bie zummerdag zo laif
Zo nuver – zo apaart
Mor tougelieks bistoe n daif
Doe steels mien aarme haart

Dien baargen – wied vot – winken mie
Mor ik mout zunder haart weerom
Verlaifde ogen drinken die
Mor t duurt n joar eer ik weer kom
Hier bie die blieven, kin ik nait
Mor dammee din licht ik mien houd
Ik eer die mit n laifdeslaid
En neem die mit in mien gemoud

Laplaand – bie zummerdag zo laif
Zo nuver – zo apaart
Mor tougelieks bistoe n daif
Doe steels mien aarme haart