O Thyborøn ! O Thyborøn !
Of is dien hemel nog zo blaauw
Of regen t ook – of schient de zun
Blifs aaltied even lelk en graauw

Hier op dis stee – onder aan t duun
Hier val ik van verwondern stil
Alerdeegs gras is hier betuun
Kras – dat n mins hier wonen wil

Doe stukje Danmark bie de Pool
Mit zunder pracht – mit zunder proal
Woar is dien haart – woar is dien soul ?
Bist net zo richt en slicht en koal

Ik vroag mie òf wat ik hier dou
Gain kunst – historie of kultuur
Wat bin ik din wel veur n kou
Want t bier is hier ook veuls te duur