Op Tinie ’s hoek stoan foto ’s van Tinie centroal want dij waren der t eerst.
Loater het Hans doar gedichtjes bie moakt omdat hai dij foto ’s meer as de muite weerd von en omreden dat hai t moaken van gedichtjes bie zowat nait loaten kon.

Tinie is bie tieden as t woare vergruid mit heur camera. Zai fotografeert
din ales wat los en vast zit mit n veurlaifde veur dingen oet de netuur.
Nait allint t mooie of biezundere trekt heur aandacht. Ook verval en n klain- schienboar onbelangriek onderdailtje wordt opmaarkt en veraivegd. t Moakt heur waark doardeur hail kureg en aigen. Boetendes zit der ien summege foto s n dubbele bodem, mor mainsten loaten dien gedachten vrij.
Hans is slim wies mit heur hobby want zai bringt hom, mit heur verrazzende beelden voak op gedachten veur zien schrieverij.

Om kort te goan: Tinie en Hans vullen mekoar aan en dat is mooi mitnomen,
nait allint veur zo dag en deur, mor zeker ook tiedens n vekaansie ien t roege noorden van Scandinavie, doar de aine noa de aandere iendruk, henter over twenter bie heur noar binnen daldert. Tinie ’s hoek zel doarom, as t aan heur baaid ligt, joar aan joar oetbraaid worden mit foto ‘s over biezunder- en nait te vergeten hail gewone ditten en datten.
Wie binnen der nog laang nait mit kloar….veul plezaaier mit kieken en lezen.