Kringloop van t wotter – van wolken op wind
Snij op de baargen dij stoadeg weer smelt
Stroekelnd en doekelnd omdeel mit geweld
Aiveg gebeuren – n ìnd zunder ìnd

Wotter as levend – as vloeiboar kristal
Blaauw as de hemel – of glìnwit van t licht
Nait aans veur t zicht as mit ogen haalf dicht
Aal onderwegens noar t vaailege dal

Wotter – der zunder is t over en doan
Niks meer as stainen en stof dat nog is
Niks meer – gain vogel – gain vlinder – gain vis
Niks meer – gain regen – gain drupke – gain troan

Wotter vragt nooit nait noar zunde of schuld
Wotter vragt nait noar wat wie der mit doun
Wotter wait nait van verstaand of fersoun
Wasket de wereld mit aiveg geduld