Jutlandse luchten
Verheven en gril
Hollen heur wolken
Gain ogenblik stil

Jutlandse luchten
Ien liesten van licht
Schrieven gedureg
Heur hemels gedicht

Jutlandse luchten
n Spul zunder toom
Kleuren van griesblaauw
Tot blaikblaank as room

Jutlandse luchten
n Duustere vracht
Tot en mit kloare
En blinkende pracht

Jutlandse luchten
Van wied over t Wad
Moaken dat t aal weer
Wat sputtert en spat

Jutlandse luchten
Mit regen en kòl
Weer ais wat aans
As de Costa del Sol