Minsen binnen wonderliek
Moaken pragtege meziek

Baauwen grote kattedroalen
Oeten zok ien ale toalen
Groaven tunnels en kenoalen
Baauwen sluzen en gemoalen

Minsen binnen wonderliek
Fannetiek en energiek

Baauwen hoezen en febrieken
En sentroales – hoge dieken
Stichten kerken en klenieken
Vangen ales ien grevieken

Minsen binnen wonderliek
Binnen loos en artestiek

Waiten ale hörns en houken
Vangen oapen – vangen snouken
Schildern aaldermooiste douken
Schrieven schiere dikke bouken

Minsen binnen wonderliek
Binnen sums hail simpetiek

Baauwen bruggen – lassen – smeden
Aal dij bruggen ook omreden
Wie doar even wezen kinnen
In dij noordse Hof van Eeden