Ik bin de vredege zee
Sloaperg en stil
Ik waig en ik zuzooi
Ik dreum wat ik wil
Ik speul wat mit luchten
Verdaip mie ien kleur
Ien vogelgeruchten
Ien zunlicht en geur

Ik bin de roazende zee
Wraid en geducht
Mit baargen van wotter
En schoem op de vlucht
Ik kin t aans nait zeggen
As mit störm en mit vloud
Ik staaiger tegen dieken
Mit n wrokkeg gemoud

Ik bin de staarvende zee
Ik krieg hoast gain oam
Ik bin muid – ik bin min
Ik bin min van joen noam
Ik bin zaik van joen gif
En van wat mie nog wacht
Zaik van joen streven
Noar riekdom en macht

Ik bin de vredege zee
Sloaperg en stil
Ik waig en ik zuzooi
Ik dreum wat ik wil
Ik speul wat mit luchten
Verdaip mie ien kleur
Ien vogelgeruchten
Ien zunlicht en geur