Mien Dagbouk
Dit is t overzicht van mien dagbouk, hier kinnen ie alles even rusteg wieder lezen!
Kerstgedachte
Dagbouk RSSEngeltjes van hoger sferen
Engeltjes van hoger sferen – van Ons Laimeneer
Dakgeut sikkom vol mit veren – hai wat gaaiter heer
Ik docht eerst dat t sprötters waren
Mor zover as k wait
Sprötters schieten zok van de hakken – en engeltjes doun dat nait
Dij huiven gain kerstdiners te eten
Engeltjes binnen vrij
Vrij van schieterij
Mor wat bliekt – ik heb mie mishad – k heb mie zo vergist
Het mie ain in de buutse scheten – en in de kaggel pist Wieder lezen »
Prezentoatsie “Vannijs geboren”
Dagbouk RSSPrezentoatsie spaigelploat VANNIJS GEBOREN in Schanze.
Nooit eerder zo n ploug mitmoakt……swoagers – schoonzussen – nichtjes – dochters – mien betere helft – en ik zee de gek….
Gain ploug van honger en durst, mor n ploug van vroleke aanpakkers. Van dij gevolgen zatten wie zundag 21 november om twij uur al kloar en te wachten op ons eerste gasten.
Kerk ien Noordbrouk
Dagbouk RSSn Daam – 14 november
Wat t weer aangaait, waas t dis zundag mor n dag om ien de gruine bak te doun.
Dou k nog as concierge deur de laange gangen van de Meentschool ien Winschoot parredeerde, kwam mie voak n kereltje ien de muide.
t Jonkje haar n licht sproakgebrek en zaag der mainst wat bekommerd oet omreden dat de wereld hom bliekboar nait recht bekoren kon.
“Nissaan meester Hans”, zee t kereltje din voak.
“Nissaan meester Hans”, zee ik vanmurn tegen miezulf dou k gedienen
van sloapkoamer bezied schoven haar. Graauw, dokeg, motteg novemberweer.
Spaigelploatje wordt deupt ien Schanze
Dagbouk RSS21 November zel t weden dat mien spaigelploatje ien Schanze deupt wordt
ien t atelier van “De Graanrepubliek”.
Dij Graanrepubliek is n Stichten veur Kunst en Kultuur doar meer as 30 grotendails Oldambtster kunstenoars en artiesten lid van binnen.
De leden van de Graanrepubliek hebben heur stee bevochten ien DE OUDE REMISE in Bad Nieuweschans om van doaroet heur krachten te bundeln en heur artistieke produkten publieksgericht veur t daglicht te bringen
www.degraanrepubliek.eu
t Wordt schaand genogt gain feestje veur elkenain dij aanlopen komt , want zoveul roemte hebben we doar nèt nait…..en boetendes kin Bruun dat nait trekken…..mor t is mie n vreugde da k joe verkondegen kin dat t spaigelploatje sund 26 oktober al te koop is via dizze site Wieder lezen »
Muzikoal weekend I en II
Dagbouk RSSMuzikoal weekend I 2 oktober
Zotterdag twij oktober op tied tot Bedje Verengoa oet.
Ontbijt was aan mie nait besteed….ik krieg der mainst gain krummel
deur as t weer op n optreden aan gaait.
Om acht uur ien auto van nDaam noar Lauwersoog.
Doar lag de zeiltjalk “De Groene Eenvoud” in t hoaventje bie “Restaurant “Het Booze Wijf “
op ons te wachten.
Der was nog nait veul te doun op parkeerploats. Bie t ”Booze Wijf” was der gain bewegen
woarneemboar en bie de tjalk was t ook al dood ketoen.
Vrumd….wie haren der n beetje mit rekend dat “De joarklub 1968” om dis tied al aan boord wezen zol.
Vannijs geboren
Dagbouk RSSMien nije spaigelploatje ; “Vannijs geboren”, (mit ook haile mooie- en kurege muzikoale biedroagen van Bert Ridderbos) wordt zundag 21 november deupt ien Bad Nijschans
Tussen 3 en 5 uur baid ik din t eerste exemploar aan en dat zel wezen ien de OLLE REMISE. Om persies te wezen ien t atelier van “de Stichten veur Kunst en Kultuur”, genoamd DE GRAANREPUBLIEK. Omreden dat wie nait meer as n man of zesteg onvangen kinnen, is dizze bieainkomst besloten.
Dij Olle Remise kinve aigelks van nou oaf aan mor beter De Noagelnije Remise nuimen, zo schitternd is dat gebaauw deur de vrijwilligers van de Graanrepubliek ombatterijd.
Dij stichten – DE GRAANREPUBLIEK – het n lutje 30 kunstenoars onder heur parreplu en heur nije onderkomen is oafgelopen zundag officieel opend deur Max van den Berg
Wie binnen der slim wies mit…..t is n stee doar kunstenoars van de GRAANREPUBLIEK zok de bloaren veur op de handen knuterd hebben
Ik bin der groots op dat ik ZUNDAG 21 sten NOVEMBER doar mien nije spaigelploatje deupen kin. Ook bin ik der groots op dat ik bie gelegenhaid van oafgelopen zundag n laid schrieven mog, doar mie bie opdroagen wer, om doar de WEERDE VAN KUNST tot ien oetdrukken te bringen.
Spaigelploatje:”Vannijs geboren”
Dagbouk RSSt Spaigelploatje doar ik t al eerder ais n moal over haar komter aan.
Ofgelopen moanden isder bie zetten duchteg aan waarkt om t oeterliek veur haalf november kloar te kriegen en as k mie nait staark misheb din gaait dat lukken.
Bie Bert Ridderbos binnen dit joar ien drij sessies ien totoal 23 nummers opnomen. Doar binnen der 16 van op n riegje zet en oeteindelk op de master terecht komen.
Dij “master’ glee ofgelopen zotterdag bie mie deur t klepgat en dat was mie n vreugde. k Heb hom vot beluusterd en begunde aal meer te glimmen en te glundern. Dou k hom aanderdoags nog weer twijmoal aanheurd haar wer dat nait aans.
t Wordt n biezunder ploatje en dat is ook zeker te danken aan Bert Ridderbos. Bert het n poar goie oren aan t heufd en veul gevuil veur woar n muzikant en zanger mit zien materioal noar tou wil. Boetendes het hai n pazende muzikoale biedroage leverd aan 9 van de 16 nummers.
(Bas – gitaar – accordeon) k Bin der gloepens wies mit.
Kantens 29 augustus
Dagbouk RSSIen Kantens haar men oafgelopen zundag hail wat biezunders omhaans doar ik eerder aigelks nog nooit van heurd haar. n Bedrievege kommizzie het doar dit joar duchteg waark moakt van n nijmoods fenomeen….n “Vertelfestival”
Al wied veur de zummervekaansie wer k der over beld en mit droadpost
wer t mie stoaregaan dudelk wat bedoulen was.
Wieder lezen »
Over kamperen en kammeroadschap
Dagbouk RSSAppingedam 12 augustus 2010
n Zetje leden haren we t zo ver. Der zol n laang weekend kampeerd worren ien de kop van Noord- Holland.
Ie waiten t vanzulf wel, der wordt al joaren waark moakt van t aanpriezen van ons mooi Grunnegerlaand mit; “ER GAAT NIETS BOVEN GRONINGEN”
Dat het mien zegen want t is woar: Wie leven- wonen- en waarken ien mooiste pervinzie van Nederland, PUNT.
Moar de kop van Noord- Holland is ook hail mooi. Wie bivakkeren doar geregeld en lu hebben doar ook zo n soort spreuk oetvonnen:”DE KOP IS TOP”
Afijn…..banken óet auto….
Vertelsterfestival/Kantens
Dagbouk RSSMoi,
Vandoag bie de post n pakket oet Kantens van de Kommizzie Sosioal en Kultureel Waark. Lu van dij kommizzie loaten der gain gras over gruien. Zat n mooie poster ien de envelop mit t opschrift :
KANTENS VERTELT
ZONDAG 29-08-10
4 vertellers treden op in 4 verschillende huizen
Aanvang 13.00 uur
Passe Partout a Euro 7.50
Kaarten via telefoon of mail
vóór 21 augustus 2010 bestellen
Tel 0595-551526 of 06-2840316
Bestelde kaarten vanaf 12.00 uur afhalen
in t Schienvat Kerkstraat 7 Kantens
