< Terug noar overzicht van mien Dagbouk

Vannijs geboren

Dagbouk RSS

Mien nije spaigelploatje ; “Vannijs geboren”, (mit ook haile mooie- en kurege muzikoale biedroagen van Bert Ridderbos) wordt zundag 21 november deupt ien Bad Nijschans

    Tussen 3 en 5 uur baid ik din t eerste exemploar aan en dat zel wezen ien de OLLE REMISE. Om persies te wezen ien t atelier van “de Stichten veur Kunst en Kultuur”, genoamd DE GRAANREPUBLIEK. Omreden dat wie nait meer as n man of zesteg onvangen kinnen, is dizze bieainkomst besloten.

    Dij Olle Remise kinve aigelks van nou oaf aan mor beter De Noagelnije Remise nuimen, zo schitternd is dat gebaauw deur de vrijwilligers van de Graanrepubliek ombatterijd.

    Dij stichten – DE GRAANREPUBLIEK – het n lutje 30 kunstenoars onder heur parreplu en heur nije onderkomen is oafgelopen zundag officieel opend deur Max van den Berg
    Wie binnen der slim wies mit…..t is n stee doar kunstenoars van de GRAANREPUBLIEK zok de bloaren veur op de handen knuterd hebben

    Ik bin der groots op dat ik ZUNDAG 21 sten NOVEMBER doar mien nije spaigelploatje deupen kin. Ook bin ik der groots op dat ik bie gelegenhaid van oafgelopen zundag n laid schrieven mog, doar mie bie opdroagen wer, om doar de WEERDE VAN KUNST tot ien oetdrukken te bringen.

    HAILE WERELD IS KUNST                                                                                                                                                     t aivege licht

    Refraain:     

    Haile wereld is kunst
    t Is vergees veur dij t zigt
    t Is n gift – t is n gunst
    Veur dij t geft – veur dij t krigt        vlinder

    Haile wereld is kunst                                                    
    Wonderschoon – of gewoon
    n Spitoakel – miroakel
    Van kunsteg vertoon

    Haile wereld is kunstkraltjes van daauw
    t Is n venster mit zicht
    Op de wondere kleuren
    Van t aivege licht

    …………………………………………………………………………

    t Is n vlinder op maauw                                                             wit winters klaid
    t Binnen kraltjes van daauw
    In t gras doar t glinstert en vonkt

    t Is de troost van n laid
    t Is n wit winters klaid
    t Is de laifde dij laif het en lonkt

    t Is t spoor van n slakt spoor van n slak
    Rovvel regen op t dak
    En t kurege web van n spin

    t Is zo luddek- of groot
    As n kikkert ien sloot
    Aal mit aal is t zowat as: “De zin.”
    ………….kurege web van n spin

    t Binnen de velden mit koolzoad
    De vurgen van klaai – tot aan t
    hemelriek – richt en aingoal

    t Binnen de baisten ien t laand
    En t Ol stee aan de wegkikkert ien sloot
    Bie de draai van n ainzoam kenoal

    t Binnen de wolken op drift
    t Is wat west het – of blift
    t Is n laidje”: “Van Ledderomlier”

    t is t verhoal oet dien doemvurgen van klaai
    t Binnen de kroagen van schoem
    Op t wotter- de branding van Schier
    ………………

    t Binnen de ganzen ien polder
    van rondom de Dollard
    Dij wereld van richt en van slichtkroagen van schoem

    t  Binnen de roomblanke wolken
    Dij voaren hoog boven t koren
    Ien liesten van licht

    t Binnen de lammer bie veujoarsdag
    Daddelnd en daansend
    Op pootjes van wit elestiekmaiven tegen de wiend op

    t Binnen de maiven dij zunder ain
    Vleugelslag tegen de wiend op goan
    Leeg over diek

    ……………………

    Groutnis

    Zet n reaktie op stee

    Velden mit n * binnen verplicht

    < Terug noar overzicht van mien Dagbouk