Moi,

Vandoag bie de post n pakket oet Kantens van de Kommizzie Sosioal en Kultureel Waark. Lu van dij kommizzie loaten der gain gras over gruien. Zat n mooie poster ien de envelop mit t opschrift :

KANTENS VERTELT
ZONDAG  29-08-10

4 vertellers treden op in 4 verschillende huizen
Aanvang 13.00 uur
Passe Partout a Euro 7.50

Kaarten via telefoon of mail
vóór 21 augustus 2010 bestellen
Tel 0595-551526  of  06-2840316

Bestelde kaarten vanaf 12.00 uur afhalen
in t  Schienvat Kerkstraat 7 Kantens

www.vertelsterfestival.kantens.nl

De kommizzie wait boetendes ook goud woar wat te hoalen is vandoag aan de dag, getuge de sponsonliest onder aan de poster;
Gemainte Eemsmond/VSB fonds/RWE The Energy to lead
en het SNS REAALFONDS.

Corrie Lenstra van de kommizzie dee mie ook nog de vrundelke groeten
en dat dee zai, wil k joe vertellen, nait zo mor veur niks omreden dat dizze man op dij 29e augustus ook ain van dij vaaier vertellers wezen mag. Vanzulf dat ik der din ook n muzikoal tintje aan geven wil. Mor dink nait dat ik wat dat aangaait de ainegste bin. Van Tineke Neijman heb onder bedrieven deur begrepen dat ze n muzikant mitnemt en mie geren traktaaiern wil op n ballade over n kwoad wief dij heur kerel om haals brengen wil. Summege vraauwlu hebben vrumde hobbies. t Zel mie nij doun.

Ik zol zeggen lu….kom noar Kantens op de 29e want t  gaaiter heer en dat belooft wat.

Ook Janet Landman en Heike Blom binnenvan de partij om elk op heur aigen hoeskoamerstee heur vertelsters veur te droagen. Snuuster veur watter dij dag nog wieder te doun is ien Kantens, eefkes op de webstee van de kommizzie. (Staait hier boven aangeven)

Groutnis.