Noordmannen – RTV Noord
Dagbouk RSS(Radio) Zundag 17 april.
Ik bin tussen 08:00 u en 11:00 u muzikoale gast ien t programmoa “Noordmannen” (RTV Noord).
Presentoatsie Okkie Smit en Alex Vissering.
Ain en aander wordt oetzonden vanoet De Olle Remise ien Schanze
Dij Olle Remise is veureg joar veur n groot dail innomen deur datteg kunstenoars dij zok verainegd hebben onder de parreplu van n stichting genoamd: “De Graanrepubliek”
(Hoofdzoakelk beeldend kunstenoars)
t Gedailte dat deur dij kunstenoars in gebruuk nomen is, is onderverdaild in een atelier annex winkelroemte en een grodere roemte dij dainst dut as museum en permanente expositieroemte
Baaide roemtes binnen mit veul laifde en inzet ombatterijd en veureg joar semtember officieel opend. Der worren tal van workshops geven op t vlak van o.a taiken – schildern-fotografie etc.
Kiek veur meer informoatsie op de website : www.degraanrepubliek.eu
t Resultoat van aal dij noeste vrijwillege aarbaid is een kiekje weerd.
t Museum en de biebeheurende winkel, binnen van dunderdag t/m zundag opend van 11.00 u tot 17.’00 u
Ook int Grand Café dat al wat laanger leden n onderdak vonnen het in De Olle Remise, is mit
regelmoat wat te doun op t vlak van kunst en kultuur.
Nijjoarsveziedes jannewoari 2011
Dagbouk RSS
Aacht jannewoari was k te gast bie t Grunneger bouk.
Eerste doagen van t joar ging t op n herhoaling aan van jannewoari 2010.
Nijjoarsveziede dij dou pland was in Spoorzicht-Loppersom, wer twijmoal oetsteld omreden van snij en iezel. Oeteindelk is t der veureg joar haildal nait meer van kommen. Mor op aacht jannewoari van dit joar was t deu en ellìn van iezel en snij was net vleden tied. Meschain datter doarom extroa veul belangstellen was veur dis normoal gesproken joarlekse
gebeuren (Dis keer onder de pannen van Hotel Faber op t Hoogezaand.) Wieder lezen »
Veur elkenain n leven in de glorie
Dagbouk RSSk Wens die n joar – mooi weer – n beetje zunneg
Gezelleghaid – n koekje bie de thee
Goud leven – in dit laand van melk en hunneg
n Beetje bliedschop en n beetje vree Wieder lezen »
Kerstgedachte
Dagbouk RSSEngeltjes van hoger sferen
Engeltjes van hoger sferen – van Ons Laimeneer
Dakgeut sikkom vol mit veren – hai wat gaaiter heer
Ik docht eerst dat t sprötters waren
Mor zover as k wait
Sprötters schieten zok van de hakken – en engeltjes doun dat nait
Dij huiven gain kerstdiners te eten
Engeltjes binnen vrij
Vrij van schieterij
Mor wat bliekt – ik heb mie mishad – k heb mie zo vergist
Het mie ain in de buutse scheten – en in de kaggel pist Wieder lezen »
Signeersessie veur nije Spaigelploat
Dagbouk RSS
(Open) Nieuweschans – Op zotterdag vaaier dezember van 14.00 u. tot 16.00 u. signeert Hans van der Lijke zien nije spaigelploat in t winkeltje van de Graanrepubliek.Prezentoatsie “Vannijs geboren”
Dagbouk RSSPrezentoatsie spaigelploat VANNIJS GEBOREN in Schanze.
Nooit eerder zo n ploug mitmoakt……swoagers – schoonzussen – nichtjes – dochters – mien betere helft – en ik zee de gek….
Gain ploug van honger en durst, mor n ploug van vroleke aanpakkers. Van dij gevolgen zatten wie zundag 21 november om twij uur al kloar en te wachten op ons eerste gasten.
Nijjoarsveziede vrijwillegers Oproakeldais
Dagbouk RSSKerk ien Noordbrouk
Dagbouk RSSn Daam – 14 november
Wat t weer aangaait, waas t dis zundag mor n dag om ien de gruine bak te doun.
Dou k nog as concierge deur de laange gangen van de Meentschool ien Winschoot parredeerde, kwam mie voak n kereltje ien de muide.
t Jonkje haar n licht sproakgebrek en zaag der mainst wat bekommerd oet omreden dat de wereld hom bliekboar nait recht bekoren kon.
“Nissaan meester Hans”, zee t kereltje din voak.
“Nissaan meester Hans”, zee ik vanmurn tegen miezulf dou k gedienen
van sloapkoamer bezied schoven haar. Graauw, dokeg, motteg novemberweer.
Spaigelploatje wordt deupt ien Schanze
Dagbouk RSS21 November zel t weden dat mien spaigelploatje ien Schanze deupt wordt
ien t atelier van “De Graanrepubliek”.
Dij Graanrepubliek is n Stichten veur Kunst en Kultuur doar meer as 30 grotendails Oldambtster kunstenoars en artiesten lid van binnen.
De leden van de Graanrepubliek hebben heur stee bevochten ien DE OUDE REMISE in Bad Nieuweschans om van doaroet heur krachten te bundeln en heur artistieke produkten publieksgericht veur t daglicht te bringen
www.degraanrepubliek.eu
t Wordt schaand genogt gain feestje veur elkenain dij aanlopen komt , want zoveul roemte hebben we doar nèt nait…..en boetendes kin Bruun dat nait trekken…..mor t is mie n vreugde da k joe verkondegen kin dat t spaigelploatje sund 26 oktober al te koop is via dizze site Wieder lezen »
Muzikoal weekend I en II
Dagbouk RSSMuzikoal weekend I 2 oktober
Zotterdag twij oktober op tied tot Bedje Verengoa oet.
Ontbijt was aan mie nait besteed….ik krieg der mainst gain krummel
deur as t weer op n optreden aan gaait.
Om acht uur ien auto van nDaam noar Lauwersoog.
Doar lag de zeiltjalk “De Groene Eenvoud” in t hoaventje bie “Restaurant “Het Booze Wijf “
op ons te wachten.
Der was nog nait veul te doun op parkeerploats. Bie t ”Booze Wijf” was der gain bewegen
woarneemboar en bie de tjalk was t ook al dood ketoen.
Vrumd….wie haren der n beetje mit rekend dat “De joarklub 1968” om dis tied al aan boord wezen zol.
