Heer bewoar ons laive lusten.

Rode lippen roaken mienent.
Nog mor even- bin ik dóen.
Parlamoeren noagels dienent.
Speulen ploagend deur mien toen.
                                            
Here Here wil mie waaiden.
Loat mie strunen- loat mie nunen.
Wil mie sums en din gelaaiden.
Tot aan ronde blonde dunen.

Spreek ik honderd vrumde toalen.
Zai verstaait mie– het mie wonnen.
Loat heur handen mor verdwoalen.
Want zai het mie eerlieks vonnen.  

Here- toukomst en verleden.
Neem heur- mor in aals gevaal
Loat mie weden– hier op t heden
Roezeboezen dat is aal.

Mit ons baaid noar hemel voaren.
Zunder zeggen – zunder spoor.
Vlij mien woordjes in heur oren
Roek heur – doek heur laange hoar.

Vort bennen Sodom en Gomorrah
en verswonnen Babylon.
Heer bewoar ons laive lusten
loat ons rusten bie de bron.