Zotterdag 19 okt. in t kerkje van Olschanze
Dagbouk RSSZotterdag 19 oktober verzoamelt zok in t mooi kerkje van Olschanze n clubke
van omtrint datteg reünisten van n Amsterdams studentendispuut
Zai binnen dij dag in onze kontraainen bie wieze van kennesmoaken- en vermoak
en ik zel omtrint 15.30 u. mien best doun om op dat stee heur n indruk te
geven van ons wondermooie Grunneger toal.
t Gebeuren is vanzulf besloten.
Rondje Noord 29 – Denemarken 2008
Dagbouk RSS
Foto Tinie Hoek
Produkt van demagogen
Doe mit dien kikkerogen
Dien braide – wraide bek
Produkt van demagogen
Veur die gain aiveg stek
De zee zel die verrieten
En t zolde wodder bit
Dut dien betun verslieten
Aan t ìnne van de rit
Din zels doe zo verschroalen
Dat wind dien stof verwaait
Wors deur de tied vermoalen
veur aiveg en veur aaid
As t nait zo is – ik neem mie
Mien mantel en mien staf
Vervluik die en vergreem die
Van oet mien eerden graf
Doe mit dien kikkerogen
Dien braide – wraide bek
Produkt van demagogen
Veur die gain aiveg stek
………………………………………
Hatelijk beton
Elke morgen vliegt een musje
naar dit grauwe bastion.
Maakt een krasje – geeft een kusje
aan dit hatelijk beton.
En zo slijt er dag na dag
ietsje af van wat hier staat.
Tijd – heet de slijtageslag
waar het aan ten onder gaat.
Geef me dat diezelfde tijd
alles aantast – erodeert
dat tot zulke monsters leidt …
opslokt- en voorgoed verteert.
………………………………
Omtrint twijmoal in de moand op dit stee n gedicht(je) mit ain of meerdere
foto’s van n biezunder of wondermooi stee woaraarns in Scandinoavie.
Goa veur meer rondjes Noord noar Dagbouk en scroll omdeel.
Taal an Taofel/ Vries 17-11- 2013
Dagbouk RSSTaal an Taovel speult onner de parreplu van het Huus van de Taol en Het Drentse Boek
Telefoon 0593 371010 www.huusvandetaol.nl E-mail info@huusvandetaol.nl
Taal an Taovel wordt holden in Café Onder de Linden – Brink 4 in Vries
op zundag 17 novemmer tel: 0592 541224
t Programmoa begunt om 11.00 uur en duurt oeterliek tot 14.00 uur en bestaait
oet poezie- proza- en zang/meziek
Bie dit gebeuren is n lunch inbegrepen
t Is mie n groot plezaaier da k nuigd bin om een muzikoale biedroage
te levern
Rondje Noord 28 Denemarken 2008
Dagbouk RSS
Du ringer en vi bringer.
In Denemarken vloog n iem
(Mor aigelks was t n bromster)
Mit veul gevuil veur klank en riem
op zuik noar Vita ’s Blomster
Onder t gezegde: Bid en Waark
of: Ora et Labora.
Mouk hai zok aaibels drok en staark,
Veuraal veur Interflora.
n Drager zee hom: Slappe hap,
bekiek het – dikke vinger.
Dou mie wat lekkers van Kebab.
Du ringer en vi bringer.
Omtrint twij moal in de moand op dit stee n gedicht(je)
over n biezunder of wondermooi stee woaraarns in Scandinoavie
Rondje Noord 27 Denemarken 2008
Dagbouk RSS
foto: Tinie Hoek
Zunaanbidder
Ik heb niks mit swaarde kouzen
Domies – kardinoalen – pauzen
Islamisten en Boeddhisten.
k Bin gain Hindoe en gain Christen.
Tot op t heden hier beneden
Heb k de Mammon nait aanbeden.
k Bin van t mainste nait van neuden.
Ook nait van de God van Jeuden.
Nait van God van Hottentotten
Boesappers of Mammelotten.
Nait dat ik heur wat misgun
Mor mien gebed raaist noar de zun.
……………………………………………………………………
Mijn geloven
Geloof: Als de schaal voor wat goed is of slecht.
Als het heilig koraal van het recht/averecht.
Als de marmeren trapreden van mijn portaal.
en mijn wankele schreden op zoek naar moraal.
Maar ben ik eenmaal boven
weer thuis op mijn balkon.
Dan richt zich mijn geloven
bij voorkeur op de zon.
…………………………………………………………………..
Omtrint twijmoal in de moand op dit stee n gedicht(je)
en ain of meerdere foto ’s van n mooi- of n biezunder
stee woaraarns in Scandinoavie.
Herman en Jolanda van Vliet
Dagbouk RSS24 Augustus binve te gast bie Herman en Jolanda van Vliet in Doezum (Westerketaaier)
Dij twij baaiden hemmen doar negen joaren heer n schiere boudel opbaauwd
doar zai heur gasten n weerdeg en aangenoam onderdak aanbaiden kinnen.
Mooi dat wie nuigd binnen as muzikoale gasten op heur feestje veur vrunden –
femilie en goie bekenden ankom 24 augustes.
t Is vanzulf besloten mor k bin der wies mit en as ie waiten willen wat veur n boudel
dat ons doar wacht din googel mor even op www.lauwerslodge.nl
Rondje Noord 26/Denemarken 2008
Dagbouk RSS
foto’s: Tinie Hoek
Ze liggen nog op t nust!
Mor zo n klooster op ons pad.
De deur wiedwoagen open.
En ik dink : Hurre wat is dat?
Kins zo noar binnen lopen!
Woont hier n kloosterling meschain?
Is hier wat te beleven?
Mor nee – gain staarveling te zain.
Woar binze din toch bleven?
Moar kiek – n riege nonnetjes……
en ik bin weer gerust.
In swaart-wit nachtjaponnetjes.
Ze liggen nog op t nust!
……………………………..
Naar een leven vóór de dood
Brengt geloven beterschap?
Staande voor het avondrood
vraag ik welke wenteltrap
leidt naar leven vóór de dood?
Help ons liever onderdak.
Reik ons veiligheid en brood
en ons dagelijks gerak.
Vrijwaar ons van angst en nood.
…………………………………………
Omtrint twijmoal in de moand op dit
stee n gedichtje mit ain- of meerdere
foto’s van n mooi – of biezunder stee
woaraarns in Scandinoavie.
Goa veur meer Rondjes Noord noar
Dagbouk en scroll omdeel.
Rondje Noord 25 – Iesland 2008
Dagbouk RSS
foto’s: Tinie Hoek
Dit laand.
Dit laand ligt hier aan raand
van wereld – roem en rij.
Dit laand is aander kaant
van wereld – noagelnij.
Dit laand hier- krigt mie stil
mit aal zien groots vertoon.
Zo gril is t hier en spril
zo nuver en zo schoon.
Dit laand moakt mie gewoar
van wat of eerde is.
Dit laand hier- moakt mie kloar
van wat of -weerde- is.
…………………………………………..
Uit gloeiend ingewand
IJsland heeft nog geen navel.
Het is nog niet aan kant.
Is een voorlopig kavel.
Meer magma nog dan land.
IJsland is als een rafel
uit gloeiend ingewand.
Staat op de tekentafel
met potlood aan de rand.
Omtrint twijmoal in de moand op dit stee
n gedicht(je) en foto ’s van n schier- of biezunder stee
woaraarns in Scandinoavie of t hoge noorden.
Veur meer rondjes Noord: Goa noar Dagbouk en
scroll omdeel.
09 – 09 – 2013 Opnoamesessie
Dagbouk RSSAnkom 9 september van dit joar binwe al weer tou aan de viefde
opnoamesessie bie allround musicus en geluudsman Bert Ridderbos.
As t zo lopt as bie veurgoande vaaier sessies din zelwe in totoal
oetkommen op n lutje vatteg nummers. Dij vatteg nummers zellen
verdaild worren over vaaier CD ‘s.
Ain standoard CD mit omtrint vattien Grunnegstoalege nummers.
Nij – en/of nait eerder oetbrocht materioal.
Ain CD onder de noam Hemelvoart (n muzikoal en persoonlek
verhoal over de periode september 1944 – april 1945
Ain Drijloek d.w. z een C.D mit drij ballades over geleuf en
aanverwante zoaken – ploatst in n onderling verband.
Ain CD mit omtrint 10 Nederlandstoalege nummers.
Aal laidjes dij al n aiveghaid bie mie op de plaank liggen en der
in mien gedachten gedureg om roupen en reren om veraivegd te
worren.
As de opnoameklus in september of meschain toch even wat loater
kloard is – zel Bert zo hier en doar muzikoal der nog wat aan biekleuren
en din gaait t spul noar Vita van der Lijke dij der – reken ik – weer schier
vurm aan geven zel – want t oog wil ook wat. Dat geldt vanzulf ook veur n
mooi tekstboukje dat wie der bie in gedachten hemmen. As ook dat kloar
is gaait ’t haile spul noar de drukker en t CD febriek. De ploatjes worren
tougelieks oetbrocht in ain verpakken en dat zel zo as t liekt nait veul
eerder wezen as in novemmer 2014. Duurt dus aigelks nog n beste zet mor
der wordt duchteg aan waarkt en dij tied binwe nou ainmoal neudeg om
der wat moois van te moaken en de prezentoatsie veur te beraaiden.
Ie heuren der wel weer van…………………………………………….Groutnis.
Hans.
09-09-2013 5e sessie
Dagbouk RSSAnkom 9 september van dit joar binwe al weer tou aan de viefde
opnoamesessie bie allround musicus en geluudsman Bert Ridderbos.
As t zo lopt as bie veurgoande vaaier sessies din zelwe in totoal
oetkommen op n lutje vatteg nummers. Dij vatteg nummers zellen
verdaild worren over vaaier CD ‘s.
Ain standoard CD mit omtrint vattien Grunnegstoalege nummers
Nij – en/of nait eerder oetbrocht materioal.
Ain CD onder de noam Hemelvoart (n muzikoal en persoonlek
verhoal over de periode september 1944 – april 1945
Ain Drijloek d.w. z een C.D mit drij ballades over geleuf en aanver-
wante zoaken – ploatst in n onderling verband.
Ain CD mit omtrint 10 Nederlandstoalege nummers. Aal laidjes dij
al n aiveghaid bie mie op de plaank liggen en der in mien
gedachten gedureg om roupen en reren om veraivegd te worren.
As de opnoameklus in september of meschain toch even wat loater
kloard is – zel Bert zo hier en doar muzikoal der nog wat aan biekleuren
en din gaait t spul noar Vita van der Lijke dij der reken ik – weer schier
vurm aan geven zel – want t oog wil ook wat. Dat geldt vanzulf ook veur
n mooi tekstbouk dat wie der bie in gedachten hemmen.
De CD ’s worren tougelieks oetbrocht in ain verpakken en dat zel
zo as t liekt nait veul eerder wezen in novemmer 2014.
Duurt dus aigelks nog n beste zet mor der wordt duchteg aan waarkt en dij
tied binwe nou ainmoal neudeg om der wat moois van te moaken.
