Archief veur december, 2019

Rondje Noord 150 – Noord Holland – noar de bollen – 2015


 

 


Zo dag en deur
  

De mainste boeren van dit oetgestrekte veld
hemmen omtrent aal heur bollen al wel teld.
En ’t gaait heur hier nait om de geur
mor meer om kleur en zeg mor fleur.

Mor mainst- zo dag en deur- gaait ‘t heur om geld.

…………………………………………………………………                    

Een wonder spel  

Een kleurig land verdeeld in lange repen.
De bollenvelden fris van het palet
in vele kilometers lange strepen.
Want recht is recht en zo luidt hier de wet.

Het is alsof zij verderop verdwijnen.
Alsof zij ginder zoeken naar elkaar.
Een wonder spel van ellenlange lijnen.
Van daar naar hier- of juist van hier naar daar?

…………………………………………………………………..

Ainmoal in omtrint vattien doagen op dit stee twij
gedichtjes. En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.

 

 

 

In Uitgelicht bie Nelleke Buzeman -R.T.V. 1 / Veendam 14- 01 – 2020


Al n poar moal eerder te gast west bie Nelleke Buzeman in ’t
programmoa “Uitgelicht ” van R.T.V. 1 (Veendam)
’t Programmoa wordt doar  ankom vattien Jannewoari opnomen.
Tegen tied dat ’t oetzonden wordt heuren ie der wel weer van.

Optreden in ’t Kerkje van Nij Beerta 09- 02- 2020


Ik bin blied verrast mit ’t aanbod om bie n optreden van Bert Ridderbos en
Linde Nijland ook n muzikoale biedroage te levern.
Dij baaide ras muzikanten haren 23 movember bie de prezentoatsie van mien nije
spaigelploat:  “Hans 75” :  weer n groot aandail wat betreft klankleur d.m.v
de inzet van meerdere instrumenten (Bert) en zang (Linde)

Dij biedroagen brochten muzikoale diversiteit en klankleur in dij
vaarde spaigelploat.

Ook mede doarom kiek ik mit plezaaier weer veuroet noar n gezoamelk optreden
dis keer in ’t kerkje van  Nij Beerta- doar ik veur zo wied as’k wait tot
op ’t heden nog gain voutstapkes zet heb.

Veur zowied as’k wait begunt ’t spul om 15.00 uur.
Is t nait zo- of aans- din heuren ie der nog van

Groutnis

Hans van der Lijke

Literaire oavend 30- 01- 2020/ Godet walter -Stad Groningen


Literaire oavend in soamenwaarken mit
centrum veur toal en cultuur

 

Doatum  ……………… Ankom 30 jannewoari 2020
Stee…………………….. Boukhandel Godet Walter
Oude Ebbingestraat 53
Kader……………………Poezieweek 2020
Thema…………………..De nije oogst.
Presentoatsie………….Henk Scholte

Aanvang……………….. 19.00 uur
Einde……………………. 21.30 uur

Deelnemenden……….Jos Rietveld
Henk Puister
Be Kuipers
Gerd Constapel
Hans van der Lijke
Tonko Ufkes
Krysztof Groen