Archief veur september, 2019

Rondvaart Crowdfunding (Knipschudden)


Moi lu !

Oaflopen zundag 15 September haren wie ’n rondvoart deur ’n Daam veur de crowdfunders dij zok doar veur opgeevm haren.
‘k Heb der slim van genoten !
Aalmoal nog eevm stief bedankt veur joen biedroagen aan ’t knipschudden !
Wie haren ’t zes weken aan tied mor ’t streefbedrag was al in twij weken veumekoar !

’t Spaigelploatje onner de noam van “Hans 75” is zowat veur de bakker en presentoatsie is ankom 23 November in Kabzeël (- Appingedam). Ie binnen din vanzulf van harten welkom.
(Mor meld joe’ van te veuren wel eevm aan)

Aanmelden

Doames Heren – joen woarderen
en vanzulf joen investeren
dee mie goud – mien dank is groot.
Groder as ’n rondvoartboot.

Moi !

 

Rondje Noord 147 – Bergen Noord Holland 2012


 

 

 

As wie nog eevm wachten

Dij van ons aigen D.N.A
scheert domt over de wereldbol
haildaal van Nicaragua
landt zai oeteindelk op Schiphol.

Wie wazzen heur n haalf joar kwiet.
Mor nait oet ons gedachten.
En mörn komt ons iepmkriet
as wie nog eevm wachten.

’t Was twinneg groaden doar omtrent!
Dat is gain flaauwekul.
Te hopen dat zai hier weer went.
’t Is twinneg ONDER nul

………………………………………………………………….

Sprookje

Vertel mij dan van Bergen
van reuzen en van dwergen.
Vertel mij van de noordzeekant
en dat tot steen bevroren strand.

Van sprookjes en van sagen
en wit winterse dagen.
Van met een blikken kar op reis
over een vloer van sneeuw en ijs.

Van stuifsneeuw bijtend koud en rul.
Van achttien graden onder nul.
Vertel mij van die strakke lucht.
Die winter- ouderwets geducht.

Van suiker op de daken
dat smetteloze laken.
Vertel mij dan van Bergen.
Van reuzen en van dwergen

……………………………………………………………………………

Ainmoal in omtrint vattien doagen op dit stee twij
gedichtjes. En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.

 

 

 

 

 

 

 

 

 

Vrouwenvereniging Scheemda 28 November 2019


28/11/2019
20:00tot22:30

Op Dunderdag 28 November 2019 zel der te doun wezen
in Nij Scheemda.
’t Is besloten (’t Waar en Waarkunst) Volle bak – n oavend veur
zesteg tot tachteg vraauwen. ‘k Heb doar eerder van mie heuren
loaten en ik kiek der noar oet omreden vraauwlu kinnen
duchteg reveln mitnaander mor as ’t der op aankomt kinnen zai
ook  meroakels goud luustern.
Mooi man- aaltied weer n oetdoagen.
Tied is nog nait bekend mor ik dou n gok: Van 20.00 tot 22.3o