Archief veur december, 2018

13 januari Kielzog Hoogezand


Spiet mie donders !

’t Eerder aankondegd optreden  in t muzikoal cafe  van ’t
Kielzog in Hoogezand – deur Jan Henk de Groot en
Hans van der Lijke – gaait deur omstandigheden van
zaikte nait deur.
Nije doatum zel zo gaauw as dat doar zekerhaid over is –
vannijs bekend moakt worden.

Ik wins Jan Henk van harten beterschop !

Rondje Noord 136 – Schiermonnikoog – 2017



Schier
     

Woar is t zo schier as juust hier?
Woar is t zo schier as op Schier ?

Daldernde golven
want Noorzee is roem.
Mit wotterwolven
en vluchten wit schoem.

’t Is hier nog nuver…
is niks wat ik mis.
’t is hier nog zuver…
en wies zo as ’t is.

Woar is t zo schier as op Schier ?
Woar is t zo schier as juust hier?

………………………………………………

Kosten en baten

Wil soms alles maar heel even laten.
Al dat drukke verkeer.
We gaan weer of geen weer
weg van huizen en stoepen en straten.

Naar de ruimte- het zicht
op de zee en het Wad.
Even weg van de stad
en de dwingende plicht.

Zeven dagen pardon.
Tijd voor eb en voor vloed.
Voor wat mag maar niet moet.
Tijd voor zandstrand en zon.

Zeer verantwoord qua kosten en baten.
Rust en ruimte zijn hier
al een vorm van vertier.
Wil soms alles dus heel even laten.

……………………………………………………..

Ainmoal in omtrint vattien doagen op dit stee twij
gedichtjes. Ain in t Grunnegers en ain in t Nederlands.

En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

 

 

 

10 Feberwoari in t Hof van Daam (Appingedam)


10 – 02- 2019 ’t Hof van Daam. (Appingedam)

In t Hof van Daam (Dijkstraat in Appingedam) was ik al eerder te gast en dat was
op dat nuver nije  stee in de Dijkstraat.
Op 10 feberwoari is doar  t Damster poezie en proza-festival en bin ‘k doar nuigd
om dat gebeuren te veurzain van  mien Grunnegtoalege verskes.
Ik wil joe vetellen dat der mor naauw n stee te vinden is doar t net zo gezelleg en nuver
is as juust doar!
t Is der din vrij entree veur zo ver as ik dat begrepen heb – en om centerij huiven ie t nait
loaten want ’t is doar echt nait te duur – mor wel beregezelleg !
Doarom zel ‘k extroa mien best doun !

’t Spul begunt om drij uur vieftien en ik verheug mie der slim op.

Rondje Noord 135 Helgoland April 2018


 

Hellevuur van dou  

Dood! – Aan puun ! zowat verswonnen !
’t Haile aailand op n bult !
Luchtvloot haar heur overwonnen !
Gain genoade – gain geduld !

Zo te reken – Zo bekeken
was Bommen Berend doudestieds
mit dij luchtvloot vergeleken
mor n bunzel op n fiets.

…………………………………………

Tied  draait deur en wie bewegen
mit omrond en mit omtou.
Is gain mins- gain moes verlegen
om dat hellevuur van dou.

……………………………………………………….

 

Horribilis !

Klif en streepje Noordzeestrand.
Inie  mini Helgoland.

Ondergang – Horribilis !
Bommenregen – ongekend.
Later de herrijzenis
en de komst van Jan van Gent
als vanouds op zoek naar vis.
Wezen dat geen waarden schendt.
Alles laat voor wat het is
en noch schuld- noch schande kent.

Inie mini Helgoland.
Klif en streepje Noordzeestrand.

……………………………………………….

Ainmoal in omtrint vattien doagen op dit stee twij
gedichtjes. Ain in t Grunnegers en ain in t Nederlands.

En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl