Archief veur juni, 2018

Rondje Noord 128 – parredieske Veelerveen – 2009


 

 

 

foto’s: http://tiniehoek.nl  
 
Doalders stee. 

’t Widde hoesje bie de bomen
Heb ik voak op foto zet
Beetje van op oafstand nomen
Keureg nadjes op petret

Zai ik hier dij foto weer…..din
Dut mie ’t sums n beetje zeer
Tinie – k wait nog wastoe deest
Draaidest die noar mie en zeest,

Ankom viefentwinteg joar
Wonen wie in dat hoeske doar.
Ik zee laivert – mien idee
Kerel wat n doalders stee

t Haalve leven laang noar zocht
Nooit docht dat ik t vinden zol
Eerst nog huurd en loater kocht
Wat geluk – de buutsen vol

Veelerveen – n schier verhoal
Ston n winkeltje ien t loug
Ston n schoultje bie t kenoal
Bie de klappe ston n kroug

Veelerveen – doe deest mie deugd
k Heb die laif doe – ‘k heb die hoog
Sikkom tot aan regenboog.
Blifs veur aaid mien twijde jeugd

Kat veur t roam – dij dikke dont
Gras en blomkes rondomrond
Wonsdag mirreg mit schier weer
t Ging der boeten duchteg heer

Toen was  krekt zo daip as braid
Kiender juchtern zok ien t swait
Achter t schuur n hutje  baauwen
Spiekern – klundern – slepen – sjaauwen

Dörpshoes – stee veur net geliek
Jong en staark of old en briek
Stee veur zang en veur tenail
Elk zien meug en elk zien dail

t Waas veur aaldereerste moal
dat ik doar mien anker von
Roemte en vanzulf dij toal
Woar ik goud mit wieder kon

Schiere sproak – liekoet en kört
zeker woar en kloar en wis.
Wat te veul is kin op stört
Zeg ‘t  gewoon mor zo as t’ is

Veelerveen zel nait vergoan
Zolaang eerappels mor bluien
Baiten schier op riegen stoan
Aans niks doun as aal mor gruien

………………………………………………………………………….

 Opdat ik mezelf herken

Leef al lieve jaren lang
in mijn Hof van ’t Heden.
Tijd vervliegt daar met een gang
daalt naar het verleden.
Geen verwijt hier– wel wat pijn
ruimte voor herinnering.
Weemoed – deemoed- geen chagrijn:
Tot de finish: “On the wing.”

Al die goudomrande jaren
wel tot aan mijn zwanenzang
wil ik ze nog wat bewaren.
Vrijheid – Blijheid – “Sturm und Drang.”
Wil ontdekken wie ik ben.
Speuren – zoeken naar mijn ziel.
0pdat ik mezelf herken
als ik voor mijn spiegel kniel.

…………………………………………….

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl