Archief veur juni, 2013

09 – 09 – 2013 Opnoamesessie


Ankom 9 september van dit joar binwe al weer tou aan de viefde
opnoamesessie bie allround musicus en geluudsman Bert Ridderbos.
As t zo lopt as bie veurgoande vaaier sessies din zelwe in totoal
oetkommen op n lutje vatteg nummers. Dij vatteg nummers zellen
verdaild worren over vaaier CD ‘s.

Ain    standoard CD mit omtrint vattien Grunnegstoalege  nummers.
Nij – en/of nait eerder oetbrocht materioal.

Ain    CD onder de noam Hemelvoart (n muzikoal en persoonlek
verhoal over de periode september 1944 – april 1945

Ain    Drijloek d.w. z  een C.D mit drij ballades over geleuf en
aanverwante zoaken – ploatst  in n onderling verband.

Ain    CD mit omtrint 10 Nederlandstoalege nummers.
Aal laidjes dij al n aiveghaid bie mie op de plaank liggen en der
in  mien gedachten gedureg om roupen en reren om veraivegd te
worren.

As de opnoameklus in september of meschain toch even wat loater
kloard is – zel Bert zo hier en doar muzikoal der nog wat aan biekleuren
en din gaait t spul noar Vita van der Lijke dij der – reken ik – weer schier
vurm aan geven zel – want t oog wil ook wat. Dat geldt vanzulf ook veur n
mooi tekstboukje dat wie der bie in gedachten hemmen. As ook dat kloar
is gaait ’t haile spul noar de drukker en t CD febriek. De ploatjes worren
tougelieks oetbrocht in ain verpakken en dat zel zo as t liekt  nait veul
eerder wezen as in novemmer 2014.  Duurt dus aigelks nog n beste zet mor
der wordt duchteg aan waarkt en dij tied binwe nou ainmoal neudeg om
der wat moois van te moaken en de prezentoatsie veur te beraaiden.

Ie heuren der wel weer van…………………………………………….Groutnis.

Hans.

09-09-2013 5e sessie


Ankom 9 september van dit joar binwe al weer tou aan de viefde
opnoamesessie bie allround musicus en geluudsman Bert Ridderbos.
As t zo lopt as bie veurgoande vaaier sessies din zelwe in totoal
oetkommen op n lutje vatteg nummers. Dij vatteg nummers zellen
verdaild worren over vaaier CD ‘s.

Ain    standoard CD mit omtrint vattien Grunnegstoalege  nummers
Nij – en/of nait eerder oetbrocht materioal.

Ain    CD onder de noam Hemelvoart (n muzikoal en persoonlek
verhoal over de periode september 1944 – april 1945

Ain   
Drijloek d.w. z  een C.D mit drij ballades over geleuf en aanver-
wante zoaken – ploatst  in n onderling verband.

Ain    CD mit omtrint 10 Nederlandstoalege nummers. Aal laidjes dij
al n aiveghaid bie mie op de plaank liggen en der in  mien
gedachten gedureg om roupen en reren  om veraivegd te worren.

As de opnoameklus in september of meschain toch even wat loater
kloard is – zel Bert zo hier en doar muzikoal der nog wat aan biekleuren
en din gaait t spul noar Vita van der Lijke dij der reken ik – weer schier
vurm aan geven zel – want t oog wil ook wat. Dat geldt vanzulf ook veur
n mooi tekstbouk dat wie der bie in gedachten hemmen.
De CD ’s worren tougelieks oetbrocht in ain verpakken en dat zel
zo as t liekt  nait veul eerder wezen in  novemmer 2014.
Duurt dus aigelks nog n beste zet mor der wordt duchteg aan waarkt en dij
tied binwe nou ainmoal neudeg om der wat moois van te moaken.

28 juni Sound of Watervloot


Vrijdagoavend 28 juni  Sound of Watervloot op t Hoogezaand
Der is doar din sentroal op t Hoogezand in de grode feesttent n muzikoal
spitoakel mit o.a Lenny Kuhr – Martin Korthuis & Band – Jan Henk de Groot
Wim Holsappel en Hans van der Lijke.

Rondje Noord 24 / Iesland 2008


foto’s: Tinie Hoek

Onbeteugeld

God sloug hom mit hoamer en drevel
n gat in Andromeda-nevel,
want Iesland zol eerst bie n aander planeet.

Hai het dou mit pazen en meten
n zetje van aiveghaid sleten,
want planeten binnen der doar bie de vleet.

Mor Iesland was naarns te vougen
en luit hom nait aaiden of plougen,
dij  wereld van lava en glìnhaide stoom.

Dou von God hom hoog in t noorden
n stee doar dat laand wel wol oarden,
mor din onbeteugeld en ook zunder toom.

………………………………………………

Verrijzenis

Wat zal ik met al het betogen
en verklarende geologie.
Hoe groot zijn mijn vragende ogen
die zien dat ik zie wat ik zie.

Wat zal ik dit landschap verklaren.
Het is als een VERRIJZENIS
Een wonder om landschap te baren
dat is wat het is dat het is.

Wie zal deze wereld doorgronden.
Zo groots en wij zijn maar zo klein.
Wie heeft er al woorden gevonden.
We zijn die we zijn die we zijn.

………………………………………………

Omtrint twijmoal in de moand op dit stee 
n gedicht(je) en foto (‘s) van n biezunder- of
wondermooi stee, woaraarns in Scandinoavie
of hoog in t  noorden.