Woordverlet

k Haar Schotlaand as n veldboeket
véur mie op keukentoavel zet.
k Wer sproakeloos van t woordverlet.
Wel zel dit laand verkloaren?

k Heb toerloos noar de woorden zocht
dij ik nait von – of nait genogt.
Omreden – k wol dit laand – haar k docht
veur aiveghaid bewoaren.

………………………………………………………

Vergleden tijd

Schotland is weemoed
in de smaak van bitter en zoet.
Het zoet voor al dat mooi was daar
en onvergetelijk goed.

Het kleine randje bitter,  siert gedachten
rond het feit
dat ik daar was in weer terloops vergleden….
en verleden tijd.

………………………………………………….

Omtrint ainmoal in vattien doagen op dit
stee twij gedicht(jes) ain in t Grunnegers
en de aandere in t Nederlands.
Baaide gedichtjes zeggen elk op heur aigen
wieze wat over ain of meerdere foto ’s van
n biezunder- of wondermooi stee woaraarns
in n noordeleke regio.
Goa veur meer Rondjes Noord noar Dagbouk
en scroll omdeel.

De westenwind wil Schotlaand noar t oosten vegen.
Dit laand is nooit n dag om westenwind verlegen.
Hai ropt de bloader van de bomen – dij ol schont.
En lat heur sliesternd daansen – in n kring omrond.

Hai het gain kop of steert – gain lief en ains gain handen.
Mor hai kin poesten – bloazen – rabbeln mit de pannen.
Hai reukelt – steukelt aale wilde wotterwolven.
En roast en raagt mit strepen schoem over de golven.

t Liekt sums en din ofdat hai wereld slichten wil.
Of dat hai t rait en t roet en t koren zichten wil.
Hai roast om haile wereld tou en geft lap-op.
En din vannijs en aal mor weer en zunder stop.

Dij wind blift Noordwest – Zuudwest – West – en veur de rest…
komt hai tot t Westen oet – zo het dat aaid al wèst.

…………………………………………………………………………………

Hoge noren

De noordenwind komt aan op hoge noren.
Wanneer hij onderweg geen slag verliest
dan zijn we ondertussen al bevroren
nog vóórdat we hier weten dat het vriest.

Maar zou de zuìdenwind zijn koers vergeten
dan bleef het hier nòg vaker klam en kil.
En zou de wèstenwind de weg niet weten
dan viel hij hier voor meer dan driekwart stil.

………………………………………………………………..

Omtrint ainmoal in vattien doagen op dit stee twij gedichtjes.
Ain in t Grunnegers en de aandere in t Nederlands.
Baaide gedichtjes hemmen wat te moaken mit ain- of
meerdere foto ’s van n biezunder-  of wondermooi stee
woaraarns in n noordeleke regio.
Goa veur meer Rondjes Noord noar Dagbouk en scroll omdeel.

foto’s: Tinie Hoek

Nijschiereghaid

Inainen op mien pad
mor zo n luk station.
Noar ain of t aander stad
tot over horizon.

Van hier noar k wait nait woar.
Komt ja nait zo sekuur.
Over n enkel spoor.
In noam van t oaventuur.

In noam van zun en wind
en ales wa ‘k nait wait.
In noam van wat verbindt.
En van nijschiereghaid

………………………………………..

Reizigers en huismuizen

Reiziger reis – en wordt wijs.
Wijs me de wijze
waarop wijzen reizen
in wijsheid vergrijzen
en wijsheid bewijzen.
Reiziger reis en wordt wijs.

Huismuizen blijf liever thuis.
Ook per abuis
niet te ver buitenshuis
en blijf kuis in het kruis
het is buiten niet pluis.
Huismuizen blijf liever thuis.

…………………………………………..

Omtrint ainmoal in vattien doagen op dit stee
twij gedichtjes – ain in t Grunnegers en d’aander
in t A.B.N  Aal baaide min of meer van toupazen
op de foto’s  van n biezunder– of wondermooi stee
woaraarns in n noordeleke regio.
Goa veur meer Rondjes Noord noar Dagbouk
en scroll omdeel.

Foto’s: Tinie Hoek

Aigen stroatjes – spic en span

Op de wegen noar en van
en de wegen van en noar
dansen wie De Driekusman.
Speulen veur veroveroar
edelman of bedelman
sukkeloar of Don Juan.

Aal dij wegen noar en van
en dij wegen van en noar:
Ain geweldeg rataplan
kris kras kroes – van enkel spoor.
Aigen stroatjes – spic en span.
Stroatjes zunder stroatenplan.

………………………………………….

Eenzaamheid

Er gaat een koude straat van steen
van hier naar blijkbaar ergens heen.
Daar loopt een mens soms heel alleen
wat in zichzelf te praten.

Er is zo ’n lange oprijlaan.
Een brede strook voor af en aan
waarlangs de hoogste bomen staan.
Verstild en als verlaten.

Bedrijvigheid en eenzaamheid
in elke stad van ieder land…
gaan samen – soms zelfs hand in hand
over de drukste straten.
…………………………………………………….

Omtrint ainmoal in vattien doagen op dit stee
twij gedicht(jes) ain in t Grunnegers en ain in t A.B.N
Dij gedichtjes hemmen wat te moaken mit ain of meerdere
fotos ’s van n biezunder of wondermooi stee woaraarns in n
noordeleke regio.
Goa veur meer Rondjes Noord noar Dagbouk
en scroll omdeel.

foto’s: Tinie Hoek

Wildernis

Gain wierden en gain boerenstee.
Gain toren en gain dörpscafé.
Gain polders tot aan t hemelriek.
Gain ziel – gain slik of sliek – gain diek.
Gain dunderkoppen boven t Wad.
Gain Ommelanden omtou Stad.
Gain luchten zeuven hemels hoog
mit roemte veur n regenboog.
Gain eerappel – gain sukkerbait.
Gainain dij hier van Grunnen wait.
Van wat mie laif is – doar k van hol.
Doar ik nait geern zunder wol.
Hier kraait in t aalgemain gain hoan
noar t woordenbouk van K. ter Loan.

Mor wat ik ook nait geern mis
vin ik in Schotlaand: “Wildernis!”
…………………………………………..

Oh Groningen !

Oh Groningen – oh Groningen!
Het trilt en schudt en beeft
rond honderdduizend woningen.
En toch blijf je beleefd.

Je Ommelanden en je Stad
je kerkjes en je Pieterpad.
Ze zakken langzaam naar benee.
Het trilt tot in de Waddenzee.

Je trotse boerderijen en je
borgen zijn een pracht.
Maar sta dan alsjeblieft
wel voor dat prachtigs op de wacht.

Je bent een land vol heerlijkheid.
Je mensen zijn uniek.
Ze staan voor ernst en eerlijkheid.
Net iets te flegmatiek.

Maar hou wat op met dromen
want wat je overkwam
was iets dat werd genomen
onder de naam van NAM.

Daar moest ik weer aan denken
toen ik in Schotland was
en diesel stond te tanken.
Ze hadden daar geen gas.

Ooit werd dat land bedrogen
bestolen en verkracht.
Geminacht en belogen.
Tot armoede gebracht.

Oh Groningen – oh Groningen!
Het trilt en schudt en beeft
rond honderdduizend woningen.
En nog blijf je beleefd.
………………………………………………..

Omtrint ainmoal in vattien doagen op dit stee
n gedicht(je) en ain of meerdere foto ’s van n
biezunder- of wondermooi stee woaraarns in n
noordeleke regio.
Goa veur meer Rondjes Noord noar Dagbouk 
en scroll omdeel.

foto’s: Tinie Hoek

t Leven is laind

t Is mie mit verloatenhaid
nait gril en nait onnuur.
t Is meer dat ik weer even wait
der komt vanzulf n uur
dat t òfschaid op mien druppel staait
want t leven is mor laind.
En wat der noa komt is veur aaid
verdaind – of nait verdaind.

…………………………………………………

Littekens

Dit stenig land – dat niet meer loont.
Veel ouder dan Jeruzalem.
Allang gekoesterd en bewoond
ten tijde van Methusalem:
Het heeft zijn armoede verdaan
maar draagt de sporen van de strijd
de onmacht die het heeft doorstaan.
Littekens van een bange tijd

………………………………………………………..

Omtrint ainmoal in vattien doagen op dit stee
n gedicht(je) en ain of meerdere foto’s van n
biezunder of wondermooi stee woaraarns in n
noordeleke regio.
Goa veur meer Rondjes Noord noar Dagbouk
en scroll omdeel.

Stee

Stee as n spaigel veur zun en veur moan.
Stee veur n smaigel en asmis n troan.
Stee veur de wolken – de wind en veur rust.
Stee veur de laifde – veur leven en lust.

Stee doar t nait gaait om wat woar is – of nait.
Stee doar t nik òfdut – dat ik dat nait wait.
Stee veur n heldere hemel- mor ook
stee veur gehaimen en roadsels en dook.

Stee zunder dwang – zunder vroug – zunder loat.
Stee veur t gevuil van komt tied en komt road.
Stee veur t licht op wat komt en weer gaait.
Stee veur wat zicht op miezulf en ons baaid.

………………………………………………………………..

Het zijn om te zijn

Plaats waar de branding mijn zwijgen ontmoet.
Enkel de zee – met dat bruisend refrein.
Wondermooi oord waar geen woord er toe doet.
Van eb en vloed en het zijn om te zijn.

Plaats voor verwondering als van een kind.
Mantra die als door mijn aderen bruist.
Waar mijn gedachten verwaaien in wind.
Huis waar de eeuwige eeuwigheid huist.

Soms dan beleef ik een dag als vandaag.
Vind ik zo ’n plekje – een stip op de kaart.
Hoor ik als altijd de prangende vraag:
Wat is de wereld mij werkelijk waard?

……………………………………………………………..

Omtrint ainmoal in vattien doagen op dit stee
n gedicht(je) en ain of meerdere foto ‘s  van
n biezunder- of wondermooi stee woaraarns
in n noordeleke regio.
Goa veur meer Rondjes Noord noar Dagbouk en
scroll omdeel.

foto’s: Tinie Hoek

Elderly people

Zolstoe joa – of zolstoe nee…
Doe zolst toch noar mien idee
om n aander laif –  mie zomor nait verloaten.

Veur t gevaal das t van mie gaaist
dastie aanderkaant aan draaist
zel ik die en haile wereld nog nait hoaten.

k Zuik mie din n ainzoam stee
hier in Schotlaand – stoef bie zee.
Doar dat branden zingt en zien verhoalen broest

En doar wind mie sums vergrèld
van hail wereld wat vertelt
doar hai omraaist – hortjet – stötjet – hoelt en soest.

Blief doe beter mor bie mie.
Din blief ik vanzulf bie die.
Want doe bist mien lot – en ik bin dien discipel.

Kiek…mien lot – doar lopen wie!
Aalbaaid al wat elderly.
Mor toch deur en veur mekoar twij happy people.

……………………………………..

Nihilist

Boven de wolken schijnt de zon.
Ook voor een nihilist.

Ik zou geloven als ik kon
en echt niet beter wist.
Want vader tijd kent geen pardon
voor deze ramp-tourist
die tekent voor een luchtballon
maar eindigt in een kist.

Boven de wolken schijnt de zon.
Ook voor een nihilist.

…………………………………………………….

Omtrint ainmoal in vattien doagen op dit stee
n gedicht(je) en ain of meerdere foto ’s van n
biezunder of wondermooi stee woaraarns in n
noordeleke regio.
Goa veur meer Rondjes Noord noar Dagbouk
en scroll omdeel.