Rondje Noord 103 Berlien 2007
Dagbouk RSS
Foto’s: Tinie Hoek (tiniehoek.nl)
Zokzulf weer vonden
Doe schiere stad – vol schuld en schaand
Zo old en nij as mooi en maal
Holst mie gedureg bie de haand
Van haildaal niks meer – weer noar; “aal”
Van zaik en old – noar noagelnij
Tot ’t duustern oet – noar ’t mörnlicht
Van kneveld – weer noar frank en vrij
Van wanhoop weer aan loop noar zicht
Van schonden – en ien twijen daild
Van sleupt en dou vannijs opbaauwd
Zokzulf weer vonden en weer haild
Mit wereld en zokzulf vertraauwd
……………………………………………….
Roze rookgordijn
De grootste stad der steden
in Duitsland – heet Berlijn
Alvast een goede reden
0m even hier te zijn
Hoe zal ik haar beschrijven
die wereld in het klein?
Die plaats om te verblijven
die plek vol schone schijn
Dat oerwoud zonder bomen
Die wingerd zonder wijn
Die plaats voor duizend dromen
Die eindeloze trein
Het is hier goed vertoeven
met bier in de fontein
Veel meer dan naar behoeven
Eén roze rookgordijn
…………………………………………………………………………
Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl
Rondje Noord 101 Grunnen – Bie diek
Dagbouk RSS
Foto’s: Tinie Hoek (tiniehoek.nl)
Hofke van ’t Heden
n Hoas kin nait kroepen
n Slak kin nait runnen
Hes poapen en poepen
En kerels as tunnen
En ik lus gain zoepen
mor Grunnen blift Grunnen
Hes moaren en wieken
En wieken en moaren
Kins nait vergelieken
Kins aal nait verkloaren
Goa dommit mor kieken
Hes wied vot n toren
Hes hail dikke dieken
Dij Grunnen bewoaren
Dus stap mor ien boeten
Om die te vertreden
Aan anerkaant roeten
Kins hailwel ja weden
Op klaai en op kloeten
Deur ’t Hofke van ‘t Heden
…………………………………..
Boeiend en bloeiend
Land hier van dijken
Dat niet weet van wijken
Maar wel weet van eggen en ploegen en doen!
Land dat geliefd is
En land dat gegriefd is
Zich weet te bewaren in ruimten van groen!
Land vol van leven
Van nemen en geven
Van boeiend en bloeiend in ieder seizoen
………………………………………………………….
Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl
24 juni – 2017 – Engelstede – Engelbert
Dagbouk RSSWel besloten – mor toch hail mooi om weer ais n moal n
optreden te doun omreden van t vieren van n vattegjoareg huwelk.
Dat zel zok ’s oavends van 20.00 tot omtrint in de klaine uurtjes
oafspeulen in de Engelstede van Engelbert. t Is vanzulf enkeld
tougankelk veur wel doar veur nuigd is. Mor as ie n moal zulf zowat
ommaans hemmen willen, din bin ik veur de meziek joen man.
Ik kiek der noar oet!
Hunebed in de kieker- Tynaarlo – Zotterdag en Zundag -20 en 21 maai -2017
Dagbouk RSSHunebed in de kieker is n oetgebraaid veujoarsevenement
in Tynaarlo, verdaaild over twij doagen is der din in dij sikkom
drijhonnerd meter laange hoofdstroat n spitoakel van dit
en van dat – en veur elkenain wat – te doun.
Dij ainentwintegsten maai vaalt op zundag en dat is ook de dag dat
ik zulf van de partij bin mit mien Grunnegtoalege verskes en
fiebeldekwinten.
Krekt as op zotterdag 20 maai – begunt dat spul op
zundag om ain uur en nait eerder as om vief uur
is t din eerst weer doan.
Der is doar aan dij laange deurgoande weg ook woaraarns
n theetoene. Ik reken da k doar terecht kom – liekt mie wat tou
veuraal as der ook nog wat meer te drinken is as allint thee.
Ik zol zeggen kom kieken en roeken – ik regel dat ’t goud komt
mit ’t weer!
12-02 -2017 – A.G.Wildervanckhuis – Veendam
Dagbouk RSSIen t A.G Wildervanckhuis ien Veendam wordt der twijmoal
ien de moand n veurstellen of optreden regeld mit meziek
en/of zang. Aaltied op n zundag.
t Is al weer n beste zet leden dat’ mie veur de leste moal
overkwam da ‘k vroagd wer ien dij sfeer mien laidjes en
verstelsters heuren te loaten en k bin blied dat ‘ nou weer n
moal zo wied is.
Ankom 12 feberwoari zel t weden en ik verheug mie der slim
op omreden dat n optreden in zon hoes zo as t
Wildervanckhoes, aaltied exstroa woardeerd wordt.
t Spul begunt om 14.30 en eindegt omtrint twij uur loater.
Mor t is en blift vanzulf wel besloten.
Rondje Noord 100 Over brug- Faröer 2016
Dagbouk RSS
Foto’s: Tinie Hoek (tiniehoek.nl)
Over brug
Over brug van holt en stain
zo van t ain noar t ander.
Wereld is veur elkenain.
Kom mor bie n kander.
t Aigen stee is ja mor klain.
Is meschain n reden
ais n moal wat aans te zain.
Aarnswoar aans te weden.
…………………………………….
Voel je vrij
Dit is…
Geen brug naar zomaar iemands land
of een verloren niemandsland.
Dit is een brug van mij naar jou
en ook van jou naar mij.
Hij brengt ons naar de overkant.
Jouw overkant mijn overkant.
Van ons – van allebei.
Kom over.
Voel je vrij!
………………………………………….
Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl
Rondje Noord 99 – De hofjes van Stad Grunnen – 2015
Dagbouk RSS
Foto’s: Tinie Hoek (tiniehoek.nl)
Vrijhaid
Vrijhaid is de last verlichten
van wel nait meer droagen kin.
Vrijhaid kin nait zunder plichten.
Vrijhaid kin nait zunder zin.
t Gaait om nou mor ook om mörn.
t Draait om minsen – jong en old.
t Gaait om veur mekoar te zörgen.
Zunder wordt de wereld kold.
………………………………………………
Licht
Een woord kan verwarmen.
Al klinkt dit goedkoop.
t Is soms als twee armen van Warmte en Hoop.
Plaats lichtjes in t duister.
Gewoon voor wat zicht
op Liefde en Luister………….op Leven en Licht.
……………………………………………………………………….
Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl
Rondje Noord 98 – Veelerveen 1984 / 2009
Dagbouk RSS
Foto’s: Tinie Hoek (tiniehoek.nl)
Veelerveen
Doe zits mie tot over mien oren.
Bist wied vot – mor k wor die nait kwiet.
Veur mie gaaist doe nooit meer verloren.
Gain wìnst – gain verdrait en gain spiet.
Mor k zel die veur aaltied bewoaren.
In mien heufd – in mien haart – mien gemoud.
Aal dij krachtege prachtege joaren.
t Was geef hier – t was gold en t was goud.
……………………………………………………….
Jouw en mijn verhaal
Dorp aan het kanaal.
Jouw en mijn verhaal.
Hier werden de lange haren
korter en zelfs grijs.
Vijfentwintig gouden jaren
thuis en toch op reis.
Al die weken- maanden waren
goed en maakten wijs.
Jouw en mijn verhaal.
Dorp aan het kanaal.
Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl
Rondje Noord 97 – Delfziel – Delfsail 2016
Dagbouk RSS
Foto’s: Tinie Hoek (tiniehoek.nl)
Van nò en dou.
Dien glorietied bist laank al kwiet.
Mor bist nog laange nait feliet
want sums en din hest wat ommaans.
Din bist mor zo weer aans as aans.
n Olderwets meroakel.
n Leventeg spitoakel
Blief leven doe – en goa zo deur.
Drief sums en din dij fine fleur
van laankmanstieden noar ons tou.
Aal wat nog drift van nò en dou.
………………………………………………..
Blik op het verleden.
De Paap – de Hond – een stukje Wad.
Het Eemskanaal – de havenstad.
Hier viert men de historie
van lang vergane glorie.
Want tijd is net zoiets als tij
Wat is – of komt – gaat weer voorbij.
De voorspoed en de tegenspoed.
Het goede en het minder goed.
Zie hier vanuit het heden
een blik op het verleden.
…………………………………………………..
Kin t nait loaten om nog even wat te
te melden over t onneuzele veurnemen van
R. T.V noord – om t programmoa Twij deuntjes
veur ain sint – te schrappen…….nait te vatten ….
binnen aigelks gain woorden veur mor ik wil t
toch probaaiern.
………………………………………………………………..
Grunnen had
Der is niks veur de aiveghaid.
Vanzulf dat ik dat ook wel wait.
Mor t gaait om toal – èn om meziek,
kultuur van loug en laand en stad.
Hail van Ter Oapel tot aan Spiek.
Dat binwe toch bie Noord nait zat!?
Twij deuntjes – nog mor zeuventien joar
en ook mor veur àin sint.
Dat monumint is nog nait kloar,
dij hoaven veur talint.
Ie doun mor – mor ik wait wel wis
dat Grunnen deur zulkswat
oeteindelk Grunnen nait meer is.
Din hewwe Grunnen had.
…………………………………………………………………
Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl
14 november 2016 Mantelzorgers Bedum
Dagbouk RSSDut mie deugd om veur de mantelzurgers van Beem
n optreden te verzurgen op ankom vattien november.
Mantelzurg is zurg oet vrije wil en bie meerdere veurgoande
gelegenheden is mie al dudelk worden dat mie doar ien
Beem n aandachteg pebliek wacht.
Boetendes verdaint de mantelzurger het veur veul meer as
100 procent om ien stee van aalgedureg aandacht te géven,
ook ais n moal zùlf op veurgrond te stoan.
Van n veureg optreden veur de mantelzurgers van Beem is mie
biebleven datter waarkt wordt aan n gezellege- en waarme
oavend doar aandacht is veur aal….wat veur t voutlicht komt!
