Tied as wotter     (Foto ’s Tinie Hoek)

Ik wer twinteg – smui as botter,
Vereg as n jonge hoan.
Ik haar tied – zoveul as t wotter,
Van de grode oceoan.

Ik wer datteg – recht van leden,
Zunder pien en zunder zeer.
Zunder zurg en zwoaregheden,
Tied as t wotter van t Schildmeer.

Ik wer vatteg – staark en stroalend,
As n zunnepit ien blui.
Ik haar zoveul tied as t wotter,
Van n dikke dunderbui.

Ik wer viefteg – zunder kwoalen,
n Beetje wìnst sums – n beetje blues.
k Haar nog zoveul tied as t wotter,
In de viever achter t hoes.

Ik wer sesteg – stief as vroren,
Mor ien t veujoar rad ontdeud.
Ies en snij op tied verswonnen,
Tied as t wotter ien de geut.

Ik tel sikkom zeuventeg joaren,
Achternoa ging t aaibels gaauw.
‘Kon gain wotterdrup bewoaren,
Tied verswon as dook en daauw.

k Haar hier bienoa oversloagen,
Wat mie t aaldermainste heugt.
Aal dij schiere laange doagen,
Van mien jonkhaid – van mien jeugd.

Mor ik proost op t ankom joar,
Mit n glas gemaintepils.
Wens joe aalmoal tied as wotter,
En veur elkenain wat wils……proost!!!

foto: Martin Smit

—————————————————————————————————

Vattien dezember viert Klaas Spekken veur daarde moal  dizze haarfst t feit dat hai al weer
twaalf en n haalf joar aktief is in de Grunnegstoalege meziekwereld. Ik kin Klaas
as n bevlogen zanger van t betere Grunnegstoalege laid en ik bin der groots op dat ik dij oavend
nuigd bin as ain van zien muzikoale gasten. (Net op tied weer kloar om t mit te moaken!)
Ankom vrijdagoavend zel dat weden in t  Kielzog – Hoogezand/Sappemeer (14 dezember)
Aanvang 20.–u. Entree € 15.50  (Dij entreepries is inclusief n drankje in de pauze)
info@kielzog.nl
Tel 0598 373777

Twijde muzikoale gast dij oavend is Janine Vos. As ie al even genieten willen din goa noar
www.janinevos.nl
en luuster veuraal even noar de vertolken van “A natural woman.”
Baaide oavends worren wieder aanvuld mit koorzang en muzikoal begelaaid deur n kundeg
koppel:
Richard Zoer op bas
Harm Pals piano-accordeon
Peter Deiman drums
John Kruisman gitaar

…………………………………………………………………………………………………………………………

ROESKERBRUG  26 – 10 – 2012

Nog even wat over oafgelopen tied omreden ik t op mien menaaier slim drok haar
mit meziek en aanverwante zoaken. Eerstens was doar op 26 oktober  n optreden
in Roeskerbrug. Lu hemmen doar al sunt tiedstieden de goie gewoonte om
ainmoal in t joar n Grunneger oavend te regeln.
Soamen mit mien kompaan Dolf Houwing hemmen we der n in n zoaltje van de
Daltonschoule n oavendvullend gehail van moakt.
Ik kin Dolf aanbevelen. Kins hom der wel biehemmen Mooie kurde vertelsters doar
hai mit veur de droad komt en doar minsen zok sums en din de buus oetlagen kinnen.
Gurtdreuge Grunneger humor.
Over miezulf heb k gain klachten had en k haar der dij oavend n bult oardeghaid aan.

BEEM  9 -11 -2012

9 Novemmer was k te gast bie de soamenwaarkende bond van Oldern in t Trefcentrum in
Beem. n Schier en gezelleg inricht stee hemmen ze der doar van moakt.  Wie vuilen mit  t gat in
de botter omreden wie aanschoeven konnen bie n buffet mit drij soorten stamppot. Vanzulf dat
ik muzikoal ook aan de bak mos en din loop ik sums onverwacht wel ais tegen miezulf aan.
Dat wil zeggen: Ik geef miezulf noatied aaltied n ciever veur mien muzikoale prestoatsies en noar
mien aigen gevuil was t mit n moager zesje wel kloar. Mor as k nog even n ciefer geven mag
veur dij stamppotschuddels din kom ik oet op n 9

In t Veenkelonioal Muzeum in Veendam was nommerdags wat biezunders loos rondom Gré van der Veen
Gré kreeg doar De Winkler- Prins pries oetlaangd en doar wazzen verschaaiden bekende gezichten
oet t Grunneger wereldje veur  noar Veendam oafraaisd.
Perfester Siemon Reker brocht ons weer ais bie de les mit n  kloar verhoal over t onderschaaid tuzzen
t Veenkelonioal Grunnegs en Klaai-Grunnegs en hou of datter deur de joaren hin bliekt dat t
Veenkelonioale Grunnegs stoareg aan ienvloud wint.
Der wazzen wieder vanzulf  hail wat woorden van hulde aan Gré moar dat zel gainaine vrumd
veurkommen dij dizze “Grand Old Lady” zo wied volgd het.
Dizze troubadour het in dat goud bezet zoaltje nog muzikoal van hom heuren loaten en noatied nog
weer n haandvol spaigelploatjes verkocht. t Kon wel oet.

SODOM – 16 – 11 – 2012

16 Novemmer bie “‘De Vrienden van RTV Noord”  (1200 leden) heb k n bult mooie reakties had
op mien biedroage aan dij oavend en omreden dat ik vot in t  begun aan de bak mos heb ik ontspannen
genieten kinnen van de prachtege ballads van  Agnes Woltjes.

What a voice – What a choice – What a Lady !!!

Stroatklinkers kwammen der achteraan en van de pure vreugde van t speulen en zingen van
wat dij knakkers weer omhaands haren,  begunden de lampen in dij Tramwaarkploats
doar in  Winschoot op t laangelest stoareg te slingern. De vrunnen van RTV Noord hemmen genoten
en  ik vanzulf ook!

Gain elektries zunder droadjes

Zai stoan hier op heur stieve bainen
Tot aan Nordkapp – plicht is plicht
Mit heur vurrels tuzzen stainen
Bringen waarmte – bringen licht
want
Kin gain centrum zunder stroatjes
Kin gain mosterd zunder zoadjes
Kin gain boksem zunder noadjes
Kin gain kwedel zunder proatjes
Gain vergait kin zunder goatjes
Gain elektries zunder droadjes

 ……………………………………………..

Rondje Noord 17 – Noorwegen 2011

Dikke spin

Er lopen dunne draden – naar je weet niet waar.
Draden van daar naar hier – en daarna weer naar daar.
Het zijn de draden van een monsterlijke spin.
Die zuigt de wereld leeg – voor welvaart en gewin.
Hij hangt te feesten en te beesten in zijn web
met dooie vliegen en kadootjes voor de heb.
Die kan je winnen als je zijn belangen dient
wordt hij je heer en meester èn je gulle vriend.

…………………………………………..

Omtrint twijmoal in de moand op dit stee
n noagelnij Rondje Noord.  Goa veur meer rondjes
Noord noar Dagbouk en scroll omdeel.

 Foto’s Tinie Hoek

Restant

Restant van hoogmoud – lust en list
Enkeld nog prooi veur de tourist
En swalfkes scheren deur de blinde ogen

Tied mouk de oadel glad falliet
Heur olle recht van onrecht kwiet
En t overaarfde recht op veurrecht – vlogen

………………………………………………………………

Rondje Noord 16 – Öland/Zweden 2011

Hoogmoed

Als hoogmoed voor de val komt – wanneer zal hij vallen?
Hij valt niet eerder dan de laatste van ons allen.
Maar eerst nog neemt hij ladderzat een laatste bad in zee.

De ebstroom neemt hem mee en laat hem dan verdrinken.
Zo zal de hoogmoed naar de diepste diepten zinken.
Geen tenen meer – geen genen meer – maar eindelijk wel vree.

……………………………………………………………

Omtrint twijmoal ien de moand op dit stee
foto ( ’s en n gedicht(je) van- en over n biezunder
of wondermooi stee woaraarns in Scandinoavie.

Goa veur meer Rondjes Noord noar “Dagbouk.”
en scroll omdeel.

(Foto’s Tinie Hoek )

Woordverlet

Wonder wereld – bocht noa bocht
Nou dat ik dien wegen kin
Heb ik vonden wat ik zocht
Luits mie vuilen dat ik bin

Oetzicht op de aiveghaid
Snij op hugten zunder smet
Hemel krekt zo hoog as braid
Ale kleuren op t palet

Tiedloos bist doe – as verstild
Doe blifs wat onzegboar blift
Onbedurven – wies en wild
As gegeven – as n gift

Doe gaaist boeten zeggen om
Bist te groot veur t aalfabet
Letters trekken stoareg krom
Van de pien om t woordverlet

Wonder wereld – bocht noa bocht
Nou dat ik dien wegen kin
Heb ik vonden wat ik zocht
Luits mie vuilen dat ik bin

————————

Rondje Noord 15 – Noorwegen 2011

Midzomerdag

Mijn vaderland weet niet van wijken.
Toch zweept een begerige zee
het water soms over de dijken.
Maar hier daalt het als tree voor tree.

Dus richt ik mijn wankele schreden
omhoog tot zo ver als ik kom.
En martel mijn lijf en mijn leden.
Misschien weet ik vaag wel waarom.

Want wil ik mijn loflied vertolken
dan graag waar de zon altijd schijnt.
In Norge – hoog boven de wolken.
Midzomerdag…eind zonder eind.

………………………………….

Omtrint ainmoal in vattien doagen op
dit stee n gedicht(je) en ain of meerdere
foto’s van n biezunder of mooi stee
woaraarns in n noordelek laand.

Meer rondjes Noord ?
Goa noar Dagbouk en scroll omdeel

foto’s: Tinie Hoek

Getugen zunder wìnst  en wait

t Leven vloog as in ain roam
Mit t leste zuchtje van heur oam

Wat bleef – in regen zun en wind
Binnen dizze vlinten – doof en blind
Zunder gevuil veur kold of hait
Getugen zunder wìnst of wait

……………………………………

Rondje Noord 14 – Öland/Zweden 2011

Discreet

Geen schrift – geen bijbel en geen kerk
maar wel een steen – een soort van zerk
Als een getuige van de strijd
de uittocht naar vergetelheid.

De dagen onder zon en maan
van een al lang voorbij bestaan
ze werden stadig tot wat was.
Geschiedenis is een moeras
dat absorbeert en weer vergeet.

Gestaag – geduldig en discreet.

…………………………………..

Twijmoal in de moand op diz’ stee
n gedicht en ain of meerdere foto ‘s
van n biezunder of wondermooi
stee woraarns in Scandinoavie

(Goa veur meer Rondjes Noord noar
“Dagbouk “en scroll omdeel)

Wie zetten die henter en twenter n meulen

Zit ik om zegenriek wotter verlegen
Din dragstoe de wolken en bringstoe mie regen
Doe doeks mie aan t hoar of doe floits mie om oren
Doe dreugs mie de waske en veegs deur t koren
Brings waarmte of kolde van overaal heer
Of speuls wat mit pluusters van wait ik hou veern

En wie zetten die henter en twenter n meulen
Doar maagstoe din sums en din eefkes mit speulen

————

Westenwind Rondje Noord 13 Öland/Zweden 2013

Rondje Noord 13 – Öland/Zweden 2011
Hoe de wind weet…

Zie hoe de windwijzer weg staat te wijzen
naar welke windstreek de wind af zal reizen.
Weet van het wasgoed dat vol van verlangen
vreugdevol wapperend wind staat te vangen.
Zie hoe de zeilen zich op laten bollen
golven zich eindeloos uit laten rollen.
Vlaggen en wimpels zich rekken en strekken
en hoe de wind weet de wieken te wekken.
Hoe hij ze onvermoeid op van die dagen
vruchteloos achter elkaar aan laat jagen.

Twijmoal ien de moand op dit stee n gedicht mit ain
of meerdere foto ’s van n biezunder- of mondermooi
stee woaraarns in Scandinoavie. 
Veur meer Rondjes Noord, goa noar Dagbouk en scroll
omdeel.

                                                            Foto ’s Tinie Hoek 

Kin nait bestaait nait

Gain wotter te daip – gain meroakel te stoer
Of is t ook n sikkom onmeugelke toer
Gain zee gaait te hoog -en gain last is te zwoar
’t Is : Kin nait bestaait nait – n Mins krigt t kloar
En baargen van t aalder gramiedegst greniet
Dij vroagen om tunnels en moaken hom blied

—————

Rondje Noord 12 – Noorwegen 2011

Boormannentijd

Het is heel normaal voor de Noren
om zich dwars door gebergten te boren.
Zij hebben het hart tot ver over de oren
aan het boren met krachtige boren verloren.

Er is niéts dat hen méér kan bekoren.
Maar zeg nooit dat ze daarom niet sporen!

Want het heeft ons gelukkig voor altijd bevrijd
van de zeer gewelddadige Noormannentijd.

(Noorwegen het op t heden meer as doezend
kilometer tunnel en de laangste tunnel is meer
as 25 kilometer.)

Twijmoal ien de moand foto ’s en n gedichtje
over n biezunder- of wondermooi stee
woaraarns in Scandinoavie
Veur meer Rondjes Noord – goa noar Dagbouk
en scroll omdeel.

Macht

Macht is veur t hemmen
veur t holden en hoalen
Macht het n smacht
Om te pronken en proalen

Macht vragt om grachten
En muren as dieken
Zel van zokzulm nait
Waiten van wieken

Macht nemt t recht
En de woarhaid in pacht
Macht staait veuraal
Veur zokzulm op de wacht

Rondje Noord 11 – Öland/Zweden 2010

Duistere mantel

Geef ruimte aan leugens
en afgunst en haat.
Ruil rede en waarheid
voor kramp en spagaat.

Verkwansel – bedrieg
en bederf en verkracht.
En oreer dat de hemel
dat zo heeft bedacht.

Wens dood aan de dagenraad.
Zegen de nacht.
De duistere mantel
voor misbruik van macht.

Gat ien hemel    

(foto Tinie Hoek)

Ol Petrus staait bie  Hemelpoort
En elk dij hom doar melden dut
Ien vrede sturven – of vermoord
Of op pensioun – of mit de V.U.T
En hom nait steurde aan God ‘s woord
Dij gaait doar bie dij poort veur schut
Het is doar n gefemel – gewimmel en gewemel

Mor weest verheugd en wanhoop nait
D’r zit n gat ien hemel

Rondje Noord – 10 – Noorwegen 2010

Zocht naar de zin

Wat gegeven werd – wordt weer genomen.
Als de tijd om te gaan is gekomen
dan schrijf ik die zo luisterrijke
familienaam van; van der Lijke
in de geest van het: “ Nomen est omen.”

Onmiddellijk na het verassen
dan komt er mijn tijd van verkassen
naar een hemel voor blinden en doven(?)
Eerst horen en zien dan geloven.
Ik laat me daar boven verrassen.

Maar kom ik die zalige hemel niet in;
het pad ligt rondom – zonder eind of begin.
Dus in naam van mijn vader beveel ik mijn geest:
“Van der Lijke – heb vrede met wat is geweest
want je vierde het leven en zocht naar de zin.”