Ankom 16 maai prezentaaiert Tiny Veldhuis heur
bouk “Doan waark.” Dat zel weden in t meulenhoes
bie meulen Goliath ien Eemshoaven.
t Gebeuren is besloten ook omreden dat der in t
meulnhoes maximoal plek is veur nait meer as n
man/vraauw of 35
t Wordt n biezundere gelegenhaid en k bin der
weer slim blied mit dat ik doar n muzikoale
biedroage aan levern kin.

Ankom 21 meert beleven wie weer de joarlekse dag van
de Grunneger toal en cultuur. (Groninger Archieven)
Vaste bezuikers van dit spitoakel waiten dat doar n macht
aan diverdoatsie te beleven is wat op ain of aander menaaier
te moaken het mit historie – schrieverij – dichtwaark –
veurdracht – meziek – zang – prezentoatsies en organisoatsies.
Elk mit heur aigen link noar wat in Grunnen gruit en bluit
op t wiede gruinlaand van ons Grunneger cultuur.
Binnen ook n riege schrievers aktief op dij dag doar zai heur
vertelsters aan joe veurlezen. Wel dat aal binnen en wenneer
en woar in t gebaauw zai heur verhoalen veurdroagen, wordt
joe gaauw genogt dudelk as ie der binnen. Nait te loat kommen
want t spul begunt omtrint rond 10.30 u. k Mout vanzulf ook
wel eefkes melden da ‘k ook nuigd bin om mie bie dij
veurleesders aan te sluten – mooi man – k zel der reken ik wel
n poar verskes deur mien verhoaltjes vlechten.
k Verheug mie der op! Wie zain mekoar – of nait din!?

t Hoogelandster dictee van 2015 zel oet noam van Stichting Grunneger toal op vief meert
2015 weden ien Vita Nova – ien Middelsom. Dij oavend begunt om 19.00 u en prezentoatsie
is ien vertraauwde handen van Henk Scholte.
Der binnen dij oavend twij mominten van elk omtrint n haalf uur pland doar ik mien
vertelsters – gedichten en laidjes heuren loaten zel.
Mooi man – liekt mie wat tou!

Ien t Dörpshoes ‘Bij Jacobus” in Zeerijp
wordt der zotterdagmirreg:
29 november n kultureel gebeuren organiseerd
deur Stichten Kunstgaang Kaampke.
Hans van der Lijke is din nuigd om aan dij
mirreg zien muzikoale biedroage te levern en
hai zel dat mit veul plezaaier doun veuraal ook
omreden datter aaid n aandachteg pebliek
ofkomt op watter bie Kunstgaang te doun is.
Mirreg begunt rond 14.00 u .
 

Lu van t Frysk Historysch en Letterkundich Sintrum
binnen op moandag 29 september aan de rit deur t
mooie Grunneger laand.
n Bezuik aan nDaam staait din ook op heur agenda
mor op weeromraais noar Liauwerd goan zai nog bie t
Mosterdmezeum in Ainerom aan.
Doar wacht Hans van der Lijke heur op om heur din
wat kennes bie te bringen van zien Grunnegstoalege
vertelsters – gedichten en laidjes.

Mooi man – ik kiek der noar oet. Wat kin n Grunneger
troubadour aal wel mitmoaken!!!
Wel haar dat docht – n bus vol Vraizen.

Op wonsdag 22 april 2o15 holden leden van de
Keunelke Nederlaandse Verainen van Hoesvraauwen
in Oethoezen heur joarliekse oavend in:

Hotel Café Resraurant “Het Gemeentehuis.” in Oethoezen.

De oavend begunt even veur 20.00 u. en ik mag probaaiern
de leden te vermoaken mit mien gedichtjes – vertelsters
en nait te vergeten laidjes.
k Zel der omtrint drij blokjes van n haalf uurtje aan woagen.
t Duurt aal mit aal nog n hail zet veurdat t zo wied is mor ik kiek
der al wel noar oet!
Vanzulf dat de oavend allain bestemd is veur leden.

Googel op Heemtuin Kunstdagen Muntendam en
ie kriegen zicht op n riege doagen in de moand juni
doar in Muntendam op dat stee geweldeg wat te beleven
is op t vlak van kunst en cultuur.

Op 21 – 22- 28 – en 29 juni is doar o.a. veul te doun mit
meziek – theoater – sprookjes – olde ambachten
workshops enz. enz.
21 juni begunt t spul om 11.00 u. en eindegt ain en aander nait
veul eerder as om 22.30 u.

Meroakel da k ook nuigd bin om op 29 juni tussen
11.00 u. en 13.00 u. twij blokjes van omtrint n haalf uur
ien te vullen mit mien Grunnegstoalege vertelsters en
laidjes.
21 – 22 en 29 juni begunt dit gebeuren rond 10.00 u. en eindigt
dat rond 17.00 u.
Dik de muite weerd om doar op ain of meerdere doagen te kieken
luustern en genieten van aal dat moois.

Ankom 16 dezember stappen “Opstapbussers” oet bie Van der Valk in Zuudbrouk.
Doar genieten zai din tussen 16.00 – en 19.00 uur van  heur wel verdainde
Kerstdiner.
t Wordt mit dij 200 doames en heren  volle bak en t is mie n eer en genougen om
doar onder bedrieven deur –  heur diner nog wat wieder op te fleuren mit mien
Grunneger klanken.
t Gebeuren is vanzulf besloten – mor hol mien agenda in de goaten. Komt vanzulf n
moal wat veurbie doar ie ook welkom binnen.

Ien Zandeweer is week 38 weer de joarlekse feestweek.
Der is din weer veul aktiviteit en oaventuur ien dat dörp en midweeks is
doar ook ien t kerkje wat te doun.

Wonsdag 17 september is Hans van der Lijke doar de gast mit zien
veurroad aigen laidjes – körde vertelsters –  en gedichtjes.
Aal  veurdroagen- verteld en zongen deur homzulf.
Aanvangsttied: 20.00 u. Hans dut zien programmoa in drij haalve
uurtjes mit twijmoal n pauze van n ketaaier. Kin dus om tien uur doan
wezen mor mainsttied duur zowat wel n ketaaiertje laanger.

Wieder is der in Zandeweer in dij feestweek vanzulf nog veul meer te doun!

Bieveurbeeld op 13 sept. (Monumentendag) in t pand Hoofdstraat 1
(Liek nooast de kerk) Doar is din veul te genieten op t vlak van klassieke
pioanomeziek. Ook de wat modernere meziek van o.a Gershwin komt er
aan bod. Ain en aander wordt veur t voutlicht brocht deur Ties Molenhuis
en Ellen Dijkhuizen.
t Eerste konsert begunt om 14.00 u en t twijde om  15.30 u. Entree is
groates mor t aantal zitploatsen is bepaarkt.

Op 14 sept. is der deur Hoofdstroat veur de kerk laans n  Herfstfair.
Op 18 sept.…………………………………………………….Kloaverjassen
Op 19 sept. is der n……………………………………………………. Feestoavend in t Klokhoes.
Op 20 sept is der …………………………………………Op iesboan wat te doun veur kinder

As ie nog  meer waiten willen van feestweek in Zandeweer din kinnen
ie bellen mit Gerben Feenstra 05954  31510

t Mannenkoor  Warffum bestaait ankom junimoand al weer 115 joar.
Men kin begriepen dat de leden van t koor dat vieren willen.
Dij viering zel weden in Camp Zuiderhorn ankom 21sten junimoand.
t Wordt zo as t aankondegd is n “Midzomeravondviering in grote variaties”.

De oavend begunt om 19.00 uur en wordt zo as t der nou veurstaait invuld deur
t Warffums mannenkoor –  The desert pinguins –  Kris Wijkstra – Bakker & Duin
Dansdemonstratie Tango – The heavy Clay – country folkband en
Hans van der Lijke.
Wieder biezunderheden worden hier loater nog bekend moakt.
Veur vief joar terug was k ook present bie t vieren van t 110-joareg bestoan.
Ook dizze keer bin k weer nuigd om tussen 21.15- en 21.30 uur- en ook
tussen 22.25- en 22.40 uur wat van mie heuren te loaten. Ik verheug mie
doar boetengewoon op.