Mien Agenda
Hie kinnen ie mien agenda veur ankom tied bekieken, meschain is der wat veur joe bie en zain we mekoar bie n optreden?. Hopelk tot kiekes!.
Nijjoarskonsert 3 jannewoari 2016
Dagbouk RSSOp 3 jannewoari 2016 binnen wie (Hans van der Lijke -Bert Ridderbos
en Linde Nijland ) om 15.00 u. te gast in het Esway atelier van taikenoar
en kunstschilder Geert Schreuder.
Geert het n bult zin aan dit nijjoarsgebeuren – en wie ook.
9 november in de Centrale
Dagbouk RSSAnkom 9 november te gast in Stad Grunnen
bie R.T.V. Noord.
In de Centrale ( t Programma van René Walhout. )
Wie zellen zain datter din tussendeur tied is veur drij laidjes
oet de nije CD – box Dagbouk van n troubadour.
Ook Bert Ridderbos en Linde Nijland binnen din
van de partij om dit gebeuren wat extroa klankkleur
mit te geven. En doar wordt t nait minder van !
Radio Westerwolde 7 november
Dagbouk RSSOp 7 november weer ais te gast bie Janny de Vries
van radio Westerwolde. Heur streektoalprogramma
begunt om 9.00 u.
t Is der aaltied gezelleg en kovvie staait kloar.
Wie hemmen weer genog te proaten…oa over mien
noagelnije CDbox.
Landeleke muzeumdoagen in Muzzel 12 Sept
Dagbouk RSSn Aanroader / Op zotterdag 12 september dut muzeum Stelmoakerij
Wever uut de Muzzel mit aan de landeleke muzeumdoagen. t Spul is
dij dag opend van tiene tot vaare mit rondlaaidens – olde ambachten
en n schilderijententoonstellen van Geert Schreuder.
Ik wol mor zeggen datter aan de Musselweg 58a / 9584 AG Mussel hail wat
te zain en beleven is op dij twijde zotterdag in september.
Nait te vergeten datter ook n Grunneger troubadour oet nDaam omstruunt.
n Zekere van der Lijke. Kerel staait en zit – en zingt doar nait allind veur
joen plezaaier mor ook omdat hai der oardeghaid aan het om der op dat stee
wat moois veur homzulf van te moaken.
Kerkje Oosterwijtwerd 10 oktober 2015
Dagbouk RSSIn t mooi twaafde aauwse kerkje van Oosterwijtwerd heb k mie
zulf al twijmoal eerder heuren loaten. Grunneger olle kerkjes
binnen in goie handen bie: Stichting Oude Groninger Kerken
en van dij gevolgen is dat kerkje dit joar restaureerd en staait t weer
te pronken middenmaak de glorie van de Grunneger kontraainen.
Dij olle Grunneger kerkjes binnen uniek en ain van de biezunderheden
aan t kerkje van Oosterwijtwerd is dat de accoustiek doar perfekt is.
Ainvoudeger zegd: ale woorden – of ze nou sproken worren of
zongen – valen doar op stee – d.w.z. goud verstoanboar.
Om n laank verhoal kört te moaken – k bin doar vroagd veur n optreden
op 10 oktober. Soort van hoeskoamerkonsert veur lu dij wat te vieren
hemmen. Besloten vanzulf – mor k bin der wies mit.
200 joar Adrillen 3 november 2015
Dagbouk RSS200 Joar Adrillen maag vanzulf zomor nait veurbie zunder datter
in Winschoten (Sodom) zo hier en doar extroa aandacht aan geven wordt.
Doarom is der op 3 november ook nog oareg wat meer dieverdoatsie regeld
as aans.
Op dij dinsdag 3 november is der bieveurbeeld n entertainment/info-beurs
van 10.00 tot 17.00 in de Tramwaarkploats – Havenkade West-3
en in de tent der noast.
De theoaterzoal van de Tramwaarkploats staait din in open verbinden mit dij
tent doar ie de infobeurs bezuiken kinnen.
10.00 Opening deur wedholder Bard Boon
10.15 Boven Wotter (Koor)
10.45 Pauze
11.15 Hans van der Lijke (troubadour)
11.45 Pauze
……………………………………………………………….
13.00 Nul en Nix zang/cabaret
13.30 Pauze
13.45 Koor Vossenburcht school
14.15 Hans van der Lijke (troubadour)
14.45 Pauze
15.00 De Korenaar (Koor)
15.30 Nul en Nix zang/cabaret
16.00 Pauze
16.15 Uitsmijter (Muzikale clown Antonio)
17.00 Einde
10 november 2015 – Dag van de Mantelzorg
Dagbouk RSSOp tien november is t ook in Sodom weer
Dag van de Mantelzorg.
Der wordt op dij dag henter en twenter aandacht geven
aan t feit dat t welzijn van honderddoezenden medeburgers
mede ofhankelk is van n sikkom even groot aantal
vrijwillegers dij geregeld kloarstoan mit heur groates dainsten.
Ik zol zeggen : Chapeau veur ale Mantelzörgers.
BRAVO veur dij onmisboare handlangers.
……………………..
In Winschoot wordt heur doarom op 10 – 10 – 2015 in
Cultuurhuis de Klinker n gevarieerd programmoa aanboden.
10.00 Inloop
10.30 Opening
10.30 – 11.15 Theater (Wycher van den Bremen)
11.15 – 12.30 Keuze tussen: Workshop Zentangle
(Zentangle is een heel ontspannen manier van
tekenen)
Of verzorgingssessie handen – nek enz.
12.30 – 13.30 Lunch
13.30 – 14.15 Workshop of verzorgingssessie – zie boven
14.30 – 15.15 Optreden Hans van der Lijke
15.30 Afsluiting van de dag
11 Meert-2016 – t Nut van Vlagtwedde
Dagbouk RSSt Nut van Vlagtwedde het op 11 meert 2016
n oavend veur heur leden organiseerd in Hotel Rendering.
Oavend begunt om 20.00 en is vanzulf allind veur leden.
Mit de Nutsleden van Bennewolle heb k òflopen jannewoari
al ervoaren opdoan en ik reken dat ain en aander in Vlagtwedde
ook wel veur de bakker komt. Hailemoal wel as Luuk Houwing
mie n poar keer oflöst mit n kureg vertelster doar mainsten zok
de buus bie oetlagen kinnen. k Heb der zin aan. Komt aal goud!
Noordfolk Festival 29/8 – 2015
Dagbouk RSSAnkom 29 augustus is t weer tied veur t
Noordfolkfestival in Veenhuizen – Drenthe
Deelnemers binnen onderhand bekend:
t Wordt weer mooi mit Ygdrassil (NL)
Mischa Macpherson trio (Sch)
The Barker Band (GB)
Otto Groote (DL)
Hans van der Lijke (GR)
Elly & Rikkert (NL)
Erik de Jong (NL)
Zo gaauw datter meer bekend is omtrint
aanvangstieden etc. kinnen ie dat op dizze site
gewoar worden.
Kommen – kieken en luustern!
Camping Fugelfrij – Hichtum (Friesland)
Dagbouk RSSHail apaart om ankom 26 juli op te treden
veur de campinggasten op “ons” lutje boerencamping in
Hichtum/Vraislaand.
n Biezunder schier stee doar – mit veul diverdoatsie – gezelleghaid
mor ook rust en netuurschoon en oarege gasten dij vanoet ale
voaderlandse hörns en houken dit stee bezuiken. k Zel mie der
geern extroa veur inzetten.
t Gebeuren is vanzulf besloten.
