Zundag 29 jannewoari 2017 even weerom op t ol stee.
Zo mag ik t wel omschrieven omreden dat wie in dat
mooi dörp 25 joar woond hemmen. Ons baaide wichter
binnen doar groot worden.

Op dij doatum van 29ste jannewoari bin k vanòf 11.00 u. in t
Noabershoes om doar mien Grunnegstoalege programma
te speulen. Dat duurt tot omtrint 13.00 u.
t Zel mie deugd doun om doar weer wat olde bekenden tegen te
kommen want mien hartje klopt nog aaltied ook veur dat schier
dörpke bie t kenoal.

Ankom vief maai is der in t Stadspaark in Stad
weer t Bevrijdings festival.

Deelnemersliest:
12.30 – 13.00   – Hans van der Lijke
13.30 – 14.00   – Robin IJzerman
14.30 – 15.00   –  Marieke Klooster & Baumgarten Trio
15.30 –  16.00  –  Henk wijngaard
16.30 –  17.00  –  Davine
16.55 –  17.00  –  5 voor 5 moment
17.30 –  18.00  –  Vanderlinde
18.30 –  19.00  –  Snikhait
19.30 –  20.00  – Tim Douwsma
20.30 –  21.oo   – Lars Koehoorn-
21. 30 –  22.00  – VanDeStraat

Kom kieken en luustern – mooi weer is besteld

Het koor de Vlinthippers in Kantens het mie nuigd veur
n konsert in “t Schienvat”.Hou loat ? Dat is nait gehaim
mor ik krieg dat nog te heuren. Zo gaauw as k dat wait
zel ik joe dat op dit stee ook even waiten loaten.
Ik gok der op, dat zowat op n oavend ploatsvinden zel. Ik reken
op n tied woaraarns tussen 20.00 en 22.00 u.  Mor pin mie der
nog mor nait op vast – ie heuren t ja zo gaauw as meugelk.

n Optreden biewonen in De Vlinderij in Muntendam
(Hellingwal 3 ) betaikent zoveul as genieten in de open
lucht en din ook nog in n beteuvernd mooie toene mit n
viever as n dreum.
Dij vlinderij staait boetendes o.a. nog bekend as
Bamboekwekerij en Theeschenkerij zodat ie doar tiedens
mien consert nait verdreugen zellen.
t Is dizze tekstschriever en troubadour “Hans van der Lijke”
n eer en genougen om doar veur joe op te treden op zundag
5 juni (Van 14.00u. tot omtrint 16.00.u)

t Mooi weer is besteld en de entreepries à € 7.50 p.p. geft
joe recht op de C.D. “Vannijs geboren ” en….wacht even…
Twijmoal dij entreepries à € 7.50 geft joe recht op ………..
Hans zien noagelnije CDbox mit vaaier schiere spaigelploatjes.
Is dat woar Hans???…..joa wis lu…dat is woar!!!
Bistoe gek worden Hans???…..Nee man…pretteg gestoord – mor
dat was k aigelks aaltied al!!!

Hol t mor in de goaten en kiek ook even op www.devlinderij.nl

Den Andel is mooi en “Andledon” is doar n hail schier stee om bie
gelegenhaid mit n man/vraauw of nog wat,  meziek te moaken of der noar
te luustern.
Meroakel doarom da ‘k nuigd bin om bie gelegenhaid van de 70ste
verjoardag van ain van mien fans, veur hom en zien aanhang n optreden
te verzurgen en dat gebeuren op te fleuren mit mien muzikoale en
tekstuaile fiebeldekwinten.
As meziek doan is goan we der ook nog ais even lekker dikkerdakken.

Wat n wonder idee om joen vrunden zowat aan te baiden. t Is vanzulf
besloten mor dink der ais over veur t geval dat ie ook wat te vieren
hemmen.

Groutnis – www.hansvanderlijke.nl

Bie boukhandel Godert Walter – (Olde Ebbenstroade 53)
is de Landeleke gedichtenweek mit Grunnegstoaleg waark
onderdak op 28 jannewoari 2016 en wel onder kundege
begelaaiden van Aly Freije.

Van 19.00u. tot 19.45u. zel zai joe veurstellen aan de dichters
Rieks Holtkamp en Hans van der Lijke en de dichteres
Annie Martens.
k Zel nait noaloaten kinnen om mien aigen waark  doar din mit n
muzikoal kleurtje aan te lengen.

Hail biezunder – n oetdoagen haar k docht –  en doarom zain wie
mekoar bie G0dert Walter op 28 jannewoari !!!

Groutnis…………..Hans van der Lijke

Zundag 31 jannewoari 2016 staait der in t Dörpshoes van
Wirdum tuzzen 15.00 en 17.00u. weer n muzikoale middag
pland.
Op dij leste dag van jannewoari is t din de beurt aan mie om
dij uren ien te vullen mit mien laidjes en proatjes.
Mooi man – k mout mie bedappern want aans spij ik mie
vandoag al ien handen.
Der komt n flyer van t spul mit ditten en datten en zo gaauw
asdat ik der aals van wait – zel k dit bericht nog aanvullen.
Hol t in de gpaten.

Stichten 55+ (Oadörp – Saauwerd – Wetzinge) het op
vrijdag 22 jannewoari heur joarliekse nijjoarsoavend
in Dörpshoes Ubbegaheem ien Saauwerd – Burchtweg 4
Oavend begunt om 19.30 u
Kin weer n schiere en veuraal gezellege oavend worren
veur de leden van 55+ en heur aanhang.
k Zel ien aals geval mien oeterste best doun om dat woar
te moaken!
Jammer meschain wel – mor vanzulf dat dizze oavend
besloten is!

Op vrijdagoavend 18 dezember is der in t
Pomphuis op de hoek van de Schuitemakersstraat
en de Kleine der A – in Stad Grunnen wat te doun
onder de noam: Groningse taal en muziek
Dut mie deugd dat ik onder dij parreplu van
19.30 – tot 20.30  doar wat van mie heuren loaten mag.

Ankom 9 dezember bin k te gast bie de Senioren Vereniging Philips – Winschoten.
t Gaait om n joarliekse bieainkomst as ofsloeten van t Verainegensjoar.
Mooi  – k bin zulf ook al n grieze senior dus ik kin makkelk aanschoeven.
k Zel van ditten en datten oet mien repertoir mitnemen – genog veur twijmoal
drij ketaaier. t Spul begunt rond 14.00 u en daldert deur tot omtrint 16.00 u
t Zel weden in Buurthuis – De Voortgang te Wedde – mor t Is besloten – dat wel !

Ik zel vanzulf ofgemieterd mien best doun veur de oldere medemins!