Wel besloten – mor toch hail mooi om weer ais n moal n
optreden te doun omreden van t vieren van n vattegjoareg huwelk.
Dat zel zok ’s oavends van 20.00 tot omtrint in de klaine uurtjes
oafspeulen in de Engelstede van Engelbert. t Is vanzulf enkeld
tougankelk veur wel doar veur nuigd is. Mor as ie n moal zulf zowat
ommaans hemmen willen, din bin ik veur de meziek joen man.
Ik kiek der noar oet!

Ien t A.G Wildervanckhuis ien Veendam wordt der twijmoal
ien de moand n veurstellen of optreden regeld mit meziek
en/of zang. Aaltied op n zundag.
t Is al  weer n beste zet leden dat’ mie veur de leste moal
overkwam da ‘k vroagd wer ien dij sfeer mien laidjes en
verstelsters heuren te loaten en k bin blied dat ‘ nou weer n
moal zo wied is.
Ankom 12 feberwoari  zel t weden en ik verheug mie der slim
op omreden dat n optreden in zon hoes zo as t
Wildervanckhoes, aaltied exstroa woardeerd wordt.

t Spul begunt om 14.30 en eindegt omtrint twij uur loater.
Mor t is en blift vanzulf wel besloten.

Dut mie deugd om veur de mantelzurgers van Beem
n optreden te verzurgen op ankom vattien november.
Mantelzurg is zurg oet vrije wil en bie meerdere veurgoande
gelegenheden is mie al dudelk worden dat mie doar ien
Beem n aandachteg  pebliek wacht.
Boetendes verdaint de mantelzurger het veur veul meer as
100 procent om ien stee van aalgedureg aandacht te géven,
ook ais n moal zùlf op veurgrond te stoan.

Van n veureg optreden veur de mantelzurgers van Beem is mie
biebleven datter  waarkt wordt aan n gezellege- en waarme
oavend doar aandacht is veur aal….wat veur t voutlicht komt!

Ankom 16 december wordt t renoveerde durphoes ien Leerms
weer feestelk ien gebroek nomen. Doar kinnen de Leermsters din heur
aktiviteiten weer opstarten en plannen.
Op dij vrijdagoavend van 16 december zel ik doar mit plezaaier
mien muzukoale biedroage aan levern.

Inloop vanof 19.30 u. Aanvang van t gebeuren rond 20.00 u.

Op 28 oktober is der op t adres Kajuit 28 in Stadskenoal
n optreden van Hans van der Lijke.  Zel zo rond haalfacht begunnen.
Wees der op tied bie as ie der belang bie hemmen omreden t is n
hoeskoamer konsert bie Martin Smit en meer as 25 stoulen kinnen
der nait stoan.
Entree is €12. 50

Wat joe veur dat geld te wachten staait – is drij moal darteg menuten
hoogweerdege meziek mit schaarbe en schiere Grunneger teksten van Hans.
In de pauze geft joen entreebewies recht op zien CD Vannijs geboren en
veur t geval dat ie beschikken over twij entreebewiezen kinnen ie dij
ienlevern tegen zien nije CD-box “Dagbouk van n troubadour.”
Dij CD- box bevat vaaier CD’s. (Aal goud Hans???)
Boetendes staait tussendeur ook nog groates appelgebak en kovvie
van Martin op t program.
Wieder nog info te vinden op http//kajuit-inn.jimdo.com en
smitenzo@gmail.com

Nait òfwachten – mor reserveren en kommen!!! Ik goa der veur en der
tegenaan!

k Bin op Zundag 19 meert 2017 te gast in Roon.
Man wat dut mie dat deugd om in ’t dörp doar k
van mien achtste tot mien zeuventiende levensjoar
opgruid bin – van mie heuren te loaten.

In de Heerenkoamer van de Brasserie
de Winsinghhof in Roden bin k din te gast in een
muzikoale prezentoatsie dij brocht wordt onder de
noam van….“De stoel van Ede”

Ain en aander wordt ienlaaid en begelaaid deur
joen gastheer Bert Hadders.

t Spul begunt om 16.15

Art Carnivale op ankom 22 – 23 – 24 juli 2016 het zok òfgelopen
joaren bewezen as n  aigenzinneg en kunstzinneg boetengebeuren.
t Schildmeer laint zok biezunder goud as achtergrond veur dit
drok bekeken en beluusterde festival.
Zo gaauw as dat mie dudelk wordt wat doar in tied van dij drij
doagen aal te beleven is, zel ik joe dat op dis stee waiten loaten
Veur miezulf betaikent Art Carnivale dit joar dat ik doar op
ankom 23 juli nuigd bin om mit mien Grunneger laidjes en körde
vertelsters van mie heuren te loaten. Dat zel weden van
14.15 tot 15.00 u.

Kommen! – Kieken! – Luustern! – Beleven! op….. 22 – 22 en 24 juli

k Heb t mooi weer al besteld.

t Is ankom 10 juli nait veur t eerste moal dat ik te gast bin
bie Landwinkel/Wijngaard – Ol Diek, van de femilie Molema
Hoofdweg 26 9944 EB  Nieuwolda.
Veureg joar heb k doar mit aaibels veul plezaaier mien
CD-Box nog presenteerd en nog weer twij joar eerder was
doar ook de dag van de kersenpluk en din is t doar op dat
gastvrije bedrief n drokte van belang.
Ankom 10 juli hemmen we weer zo’n biezundere
kersenplukdag. Boetendes is der din ook nog veul meer te doun.
En veur t geval dat ie onder t genot van n kop kovvie of aans wat
ook nog even noar meziek luustern willen, din goa der mor veur
zitten want tussen 11.00 en 17.00 uur binnen doar mit regelmoat
De Stroatklinkers aktief en zel ook Hans van der Lijke mit
van zok heuren loaten.

t Wordt veurvast weer n schiere – drokke – gezellege dag.
Kommen !!!

Ankom Zundag 3 april in theoater De Winsinghof in Roden
Brink 10 – is t om 13.30 u. tied veur t oetlangen van de
joarlekse streektoalpriezen.

Welkom binnen de inzendende oetgevers – auteurs en
artiesten dij veurdroagen binnen en de belangstellenden
dij deur heur nuigd binnen.

De nominoatsies veur de categorie poezie/proza – binnen:

Gerard Nijenhuis – Kringloop
J.S. Uffen e.a.        – Onder de weg en over de locht
Johan Veenstra     – Een vrouw van ivoor
Klaas Koops           – Kattenbende en hondenboel
Roet                         – Kunstnummer
Tieme Woldman   – Mannen bint maakt van jongens

De nominoatsies veur de categorie C.D./D.V.D – overig – binnen:

Arnold Veeman        –  Klaai
De Troubadours       –  Veenhoes sessies
Hans van der Lijke  –   Dagbouk van n troubadour
Martijje                      –   Evenwicht
Westkaant Stad        –   Dit is

Rond 16.10 is t slotwoord en noazit.