Moi laifhebbers van Grunningstoalege meziek

Van Jan Ubels kreeg ik te heuren dat der in
Veendam op Zotterdag 21 September de haile middag
wat te doun is mit Grunneger muzikanten.
Of ‘k doar ook aan mitwaarken wol ?
( Joa man – dat wol ik  vanzulf  ja wel !)

Ik reken op schier weer doar in Veendam–  mor mocht dat
mishotjen din zetten we de parreplu in ’t inne en goan we
gewoon deur!
As joe dat din ook doun den zitten wie ien aals gevaal doar
nait veur joker ! ‘k Heb der zin aan !!!

t Spul begunt om 12.45 u.  en gaait deur tot-  17.00 u.
Optredens van Beecham
Erwin de Vries
Ballade
Twij kurten – twij langen
Krzysztof Groen
Irene Wilkens – Sikkom Kult
Hans van der Lijke
Harry Niehof
Van ’t knoal
Laurens Schreuder en Alex Staal
Roelof van der Velde
Ger Sennema en Westkantstad
Be Schmaal
Swinder.
Laurens Schreuder
Alex Staal
Harry Niehof
Swinder
……………………………………………………………………………
Pand 1 – Cafe De Toeter – Beneden Westerdiep
…………………………………………………………………………….
13.00 – 13.30 …..1e set…..Irene Wilkens en Sikkom Kult
13.45  – 14.15 …..2e set…..Irene Wilkens en Sikkom Kult
14.30 – 15.00 …..1e set…..Gert Sennema  Westkant stad
15.15  – 15.45 …..2e set…..Gert Sennema  Westkant Stad
16.00 – 16.30 ….1e set …..van ’t Knoal
16.45 –  17.15  ….2e set …. van ’t Knoal

……………………………………………………………………………..
Pand 2 – Bibliotheek  van Beresteyn
……………………………………………………………………………..
13.00 – 13.30 ….1e set……………………….Krysztof Groen
13.45 – 14.15 …. 2e set……………………….Krysztof Groen
14.30 – 15.00 ….poesie………………………….Roelie Meier
15.00 – 15.30 ….poesie……………………… ……..Edo Staal
15.45 –  16.15 ….1e set…………………..Hans van der Lijke
16.30 – 17.00 ….2e set………………….Hans van der Lijke
……………………………………………………………………………..
Pand 3 – Promenade/ Voormalig Ernst Puik
……………………………………………………………………………..
13.00 – 13.30 ….1e set………………………………..Beacham
13.45 – 14.15 ….2e set…………………………………Beacham
14.30 – 15.00 ….1e set…………….Twij kurten twij langen
15.15 –  15.45 ….2e set …………    Twij kurten twij langen
16.00 – 16.30 ….1e set……………………………. Be Schmaal
16.45 –  17.15 …..2e set…………………………… Be Schmaal
……………………………………………………………………………..
Pand 4 Kerkstraat – voormalig braaiwinkeltje
……………………………………………………………………………..
12.45 – 13.15 ….1e set………………… Roelof van der Velde
13.00 – 14.00….2e set……………….. Roelof van der Velde
14.15 – 14.45…. 1e set…………………………. Erwin de Vries
15.00 -15.30…..2e set………………………… Erwin de Vries
15.45 – 16.15 ….1e set…………………………. Ballade
16.30 – 17.00….2e set………………………… Ballade
………………………………………………………………………………
Pand 5 Museumplein
……………………………………………………………………………….
13.00 – 13.30….1e set….Laurens Schreuder en Alex Staal
13.45  – 14.15 ….2e set…Laurens Schreuder en Alex Staal
14.30 – 15.00 ….1e set……………………………..Harry Niehof
15.15  – 15.45  ….2e set……………………………..Harry Niehof
16.00 – 16.30 ….1e set………………………………Swinder
16.45  – 17.15 …. 2e se……………………………….Swinder

Kiek ais eevm….!

n Hoeskoameroptreden in Sapmeer !
Man wat vin ik dat ja mooi om te doun !
Wie binnen doar op n zotterdag bie n gulle crowdfunder en nemen n luk
beetje geluudsversaarking mit en din gooien wie doar de sluzen open.
t Binnen veurvast lu dij wel waiten van wat en hou want zai geven hail sekuur aan wat
zai geern heuren willen.
Kiek mor:

Wadwerderweg
Hou riek is mien laand
Blief doe mor bie mie doe
’t Genesis volgens Hans van der Lijke
Curacao
’t Kruus op stee
Suze Naanje
Zee is mien noam
As is as
In ’t Slochterbos
Wit vlindertje
Als jij nog eens gaat
En ie kinnen mie geleuven of nait mor ’t bennen
de ain noa d’ aander mien aalderaigenste toppers.

Crowdfundig en n rondje nDaam

Zetje leden deur mien jongste dochter Suze regelde crowdfunding
is n groot sukses worren. Dat woord Crowdfunding betaikent niks meer of minder
as Knipschudden. En Knipschudden betaikent weer zoveul as dat ie ’t veurnkander
kriegen dat n aander zien knip veur joe opent-  din omkeert en wat doar
aan centerij en pepiergeld touholt der oetschudden dut.

Ik haar mien hoge houd veur dit projekt aanboden en doar bennen van dij gevolgen zoveul
urootjes in terecht kommen dat dij knipschudderij mie in stoat stelt
om op zotterdag 23 November  n noagelnije spaigelploat zain en heuren te loaten.
Dat doun wie din in Kapzeel hier in nDaam. Ie heuren der as t zo wied is  veurvast
wel meer van.

Mor noe woar t mie om gaait: Lu dij mie der zo schier mit holpen hemmen deur
heur knip te schudden binnen nuigd veur n rondvoart deur ons mooi nDaam.
Dat zel weden op 15 september. Om 13.00 uur lichten wie ’t anker en zel ‘k aan
boord – reken ik- al wat heuren loaten van dij 16 noagelnije laidjes.

Groutnis……………………………………………………………………………Hans

t Zol in Jannewoari al west hemmen mor ’t gezoamelk optreden
van mien persoon en Jan Henk de Groot kon dou nait deurgoan.
Jan Henk haar duchteg meleur kregen mit zien stembanden en din
is t vanzulf wel eerst wel eevm doan veur n zanger.
Ons nije oafsproak  in t  Kielzog Hoogezaand begunt om 15.00 uur.
Wie zeln mekoar ofwizzeln en ik kiek der noar oet.

10 – 02- 2019 ’t Hof van Daam. (Appingedam)

In t Hof van Daam (Dijkstraat in Appingedam) was ik al eerder te gast en dat was
op dat nuver nije  stee in de Dijkstraat.
Op 10 feberwoari is doar  t Damster poezie en proza-festival en bin ‘k doar nuigd
om dat gebeuren te veurzain van  mien Grunnegtoalege verskes.
Ik wil joe vetellen dat der mor naauw n stee te vinden is doar t net zo gezelleg en nuver
is as juust doar!
t Is der din vrij entree veur zo ver as ik dat begrepen heb – en om centerij huiven ie t nait
loaten want ’t is doar echt nait te duur – mor wel beregezelleg !
Doarom zel ‘k extroa mien best doun !

’t Spul begunt om drij uur vieftien en ik verheug mie der slim op.

In verzurgingshoes de Heggerank  in Musselkenoal
is der weer n oavend pland mit Hans van der Lijke.
Ik heb doar op dat stee veur n poar joaren terug mit
veul plezaaier mien laidjes en vertelsters heuren loaten
en t dut mie deugd dat ik veur twijde moal nuigd bin en
op herhoaling kin.
Vanzulf is dij oavend besloten – mor mien ervoaren is dat
de sfeer in dat tehoes doar bepoald nait minder om is.
Ik kiek der noar oet !

t Multi Functioneel  Centrum ien Engelbert (Woltjer Spoorweg 5a)

Doar  is t op ankom Dunderdag 20 Dezember 2018 te doun.
Tussen 13.30 – en 15.30 is doar roemte en tied veur Grunneger verskes –
riemkes en kurde vertelsters van Hans van der Lijke.
t Is n schier stee om te weden – aan ploatselke sfeer en aan mie zelt nait liggen.
Ik hoop joe doar te te zain
(Wel vanzulf eefkes aangeven dat ie kommen op:  mfcengelbert@home.nl)

…………………………………………………………Nuver idee van ’t MFC

Wat mie ien: De Dieken ien Riep te wachten staait – doarvan wait ik
ien aals geval ain ding hail zeker – t is- en blift besloten.
Toch kiek ik der noar oet  om doar te verschienen omreden doar ook
n schat van n mins touhold dij dail oetmoakt van n clubke lu dij mit
regelmoat bienkaander kommen om mekoar heur aigen körte vertelsters
en/of gedichten veur te droagen.
Mien biedroage zel  reken ik hoofdzoakelk muzikoal weden mor k zel veur de
wizzeghaid ook wat van mien gedichtjes achter de haand holden.

Mooi man – weer ais hail wat aans as aans !

t Hof van nDaam Dijkstraat 5 Appingedam – viert
ankom Zundag 23 september het feit dat dij
suksevolle – en oer gezellege ondernemen zien
eerste vief joaren achter de rug het.
k Heb der nait te veul mit zegd – goa mor n moal hin
kieken – roeken en kovvie drinken (of aanswat vanzulf)
en ontdek dat oarege stee.

Wat ik hier mit  wil ?
Meziek moaken vanzulf -veur de gezelleghaid en mien
aigen plezaaier.
As ik mie nait vergis speult dat haile gebeuren tussen 14 – en 16 uur
k Wait aigelks hail nait of t ook vrij is of besloten ???
Mor ie heuren der as t goud is veurtied nog wel meer van.
Ik kiek der ien aals geval noar oet!!!

Open Monumentendag
Zaterdag 8 september 2018 tussen 11 en 14 uur

………………………………………………………………………………………………..

Stichting Landschap Oldambt  is ien de weer veur t behold van
t Oldambster Pollerlandschop.
Dij Stichten richt zok mit noame op t behold van roemte – stilte  en t behold
van zoaken zo as dij wiede horizon en dij duustere pollernachten.

t Is stichten heur bedoulen om op dij monumentendag het “Diekgat”
as monument ien te zetten as “Ons Monument” om doar din op aanslutend
een verhoal van te moaken dat gaait over t ontstoan van t pollerlandschop –
en de bedoulen van diekcoupures en nait te vergeten – de kracht van dis olle
unieke Oldambtster kultuurlandschop.

Ie zellen der veurvast wel gaauwachteg meer van heuren omreden het
Cultuur Historisch Centrum Oldambt op t heden al drok ien de weer is
mit de soamenstellen- en loatere oetgoave van n brochure.

Hol t ien de goaten lu veur t geval dat ie belang hemmen bie wat der op
ankom zotterdag 8 september te doun is ien t Oldambt mit betrekken tot …..
Het diekgat as monument
k Zel der op dij doatum nait allain veur stoan – mor ien soamenwaarken mit
het bekende- supermuzikoale duo Bert Ridderbos en Linde Nijland zel ik mien
best doun t gebeuren te verluchhten mit laidjes – gedichten en vertelsters dij
op ain of aander menaaier te moaken hemmen mit t Wad – t Oldambt – en t
unieke pollerlandschop.