11 – 11 – ’12

Oetlangen van Veenkelonioale muzeumpries aan Gré van der Veen
in t Veenkelonioale Muzeum van Veendam, ankom 11 novemmer.
t Gebeuren begunt om 15.00 u. 
Op t heden is zoveul bekend as dat doar n lezen weden zel mit as 
onderwaarp : ” Ons Grunneger Toal.” 
Wieder zel ook de Veenkelonioale geschiedenis belicht worren o.a
deur middel van fulmfragmenten. 

Gré zel vanzulf ook aan t woord  kommen en t Juryrapport zel 
wereldkundeg moakt worren.

Aan Hans van der Lijke de schone en eervolle toak om t ain en aander
op zien aigen wieze mit zien laidjes en ballades te omliesten. t Liekt hom n
meroakel oaventuur  tou.
Is nog even nait bekend of t n vrij tougankelk gedounte  betreft,  of dat ie
joa of nee,  doar n nuigen veur verwachten kinnen……mor dat zel gaauw
 kloar worren.
Ik hol joe wat dat aangaait  bie de les.

De vrienden van RTV Noord, vlijen zok ankom zestien novemmer
deel op n biezunder mooi stee in Winschoot.
In de Tramwaarkploats (Havenkade West 3 )wacht heur doar n
muzikoal programmoa dat aanleverd wordt in drij komponenten.

1   Zangeres Agnes Woltjes mit n stem van zudenwind en hunneg.
2   De Stroatklinkers – veur de pauze Bob Heidema en Adrian Farmer.
     (Wel heur nog nait kin mout zok neudeg   bieschoulen loaten.) 
3   Hans van der Lijke – troubadour oet nDaam.

t Spul begunt tegen aacht uur  ‘ s oavends en omreden dat de
tramwaarkploats 300 man baargen kin – kinnen ook nait-leden
zok veur dizze oavend aanmelden. (Entree €12.50 p.p)
Ie huiven doar nait spezioal van te veuren veur bouken.  

Leden kinnen vanzulf groates terecht Mor ’t is  goud om te waiten dat
t lidmoatschap joe nait meer kost as  € 10.–  per joar!
Aaltied doun. t Wordt weer mooi en de Tramwaarkploats is n wonderstee!

Op vrijdagoavend 26 oktober is der in t durpshoes
van Roeskebrug wat te doun. De joarlekse Grunneger
oavend begunt tegen acht uur en wordt invuld deur
de man van smuie vertelsters “Dolf Houwing” en vanzulf
troubadour Hans van der Lijke. t Wordt veurvast n
gezellege oavend.

Ook op ankom vattien dezember bin ik nuigd om als gast n biedroage
te levern aan de jubileumrondraais van Klaas Spekken.
Klaas het n braid repertoir mit sfeer en kwaliteit. Geef Grunnegers – meroakels
knappe vertoalens van nummers van Robert Long en aander bekende schrievers
en dichters.
Boetendes is de muzikoale begelaaiden in vertraauwde handen.
Van dij gevolgen dat t mie n eer en genougen is om der in t Kielzog bie te weden 
en van mie heuren te loaten. t Is mie op t heden nog nait bekend hou loat of t
weden zel mor goa der veurlopeg mor van oet dat t spul om 20.00u begunt
en tegen 22.30 u weer doan is.

Kommen….muite weerd !

Bie Jan Knollemoa in zien schier Goultheoatertje in de Annaheerd
in Spiek  het al hail wat te beleven west en t dut mie deugd dat ik
doar al weer veur twijdemoal te gast bin.  Ook Dolf Houwing zel n gedailte
van de oavend invullen met n aantal van zien kurege vertelsters.
 t Spul begunt om 20.00 u.

As ie der bie wezen willen neem din kontakt op mit Knollemoa
(Annaheerd in Spiek) want veurstellens in Jan zien theoater binnen
besloten…….dat wil zeggen….Jan het zien vaste klanten.

Zotterdag 14 juli is d’r bie “Molema fruitbedrijf” aan de Hoofdweg West 26
in Nieuwolda haile dag deur duchteg wat te doun. Op dij dag worden
kaarzenbomen plunderd. Nait zo as sprutters dat sums ommaans hemmen
mor nadjes en sekuur zo as Molemoa dat wil.
D’r is op dij dag hail wat te beleven op dit mooi streekproduktenbedrief.

Van 9.00 u. tot omtrint 13.00 u. zingt Hans van der Lijke doar zien laidjes
en ballades ien ons mooie Grunneger toal. Noa 13.00 u. binnen “Stroatklinkers”
aan beurt en dat belooft weer wat.
t Is doar op t terras genieten van meziek en hapjes – kovvie – thee – drankjes en
en nait te vergeten drij soorten schiere wien van de Oldambtster klaai. 
(Grootbrocht en botteld deur Molemoa himself) Winkel en bedrief binnen boetendes
n kiekje weerd en aal dij eerliekse Grunneger produkten lagen en knipogen joe tou.

( En nait baang weden veur n buitje want onderdak kinnen ie doar bie Molemoa ook
hail best weden.)
Ik wol mor even zeggen: Kommen – genieten – doun!

Zundagmirreg 10 juni zingt Hans ien t mooi kerkje van Oosterwietwerd
stoef bie nDaam. t Begunt om 14.30 u. Mit n pauze der bie kin t aal mitnaander
mor zo twij uur duren veuralleer t weer doan is. 
Hans dut maauwen omhoog en nimt zien aaldermooiste laidjes en vertelsters mit.
As ie der meer van waiten willen :   m.w.meijer@hetnet

Omtrint om 15.00 u. komt der op wonsdag datteg maai n bus vol ol
Roeskebruggers ien Spiek te lande en Jan Knollemoa vangt heur doar din op in
zien schiere Goultheoatertje ien Annaheerd.
Beetje drinken – beetje op verhoal kommen en Hans dut heur din n luchteg
lutje programmoa van omtrint vatteg menuten mit n lach – n troan(tje)
en n luk klain beetje weemoud omreden dat tied ja veuls te  gaauw veurbie  daldert.
Veur de laifhebbers van sfeer en gezelleghaid is t meschain sneu….mor t gebeuren
is stief besloten.

Zundagmirreg 1 april tussen 15.00 en 16.00u  is Hans mit n aantal laidjes te
beluustern in “Podium”, cultureel zundagmirreg – programmoa van Rtv Drenthe
mit 0.a dichter Egbert Hovenkamp.