< Terug noar overzicht van mien Dagbouk

t Zieldieksterlaid

Dagbouk RSS

1990:
Wie belanden ien Zieldiek bie familie.
Doarveur waren wie nooit eerder ien Zieldiek.
Mooi dörp mit n actieve verainen, dij wait kreeg van dat ik aan loop was mit tekst en gitaar.
Of ik din nait n laid kon schrieven veur t nijjoarsfeest.
Dat kon ik wel.
t Laid was der mor mit allent gitaar was t beetje koal.
Zo kwam ik aanbeland bie Freek Lagerwij.
Ien n ydillisch gelegen hoeske ien t bos van Ter Oapel, hemmen wie t laid opnomen.
Freek zol t laid nog noabewaarken en dat het e ook doan.
Der bennen dou op kosten van dörpsverainen hail wat baandjes moakt.
Op feestoavend zulf mos t laid ja ook zongen worden.
Ik allint mit mien gitaar, n stuk minder lewaai mor zoal ging zo mit aan loop dat dat nait opvuil.
Dij oavend is t laid wel vief zes keer zongen: ‘Kinst m nog n keer doun’?
Tot ik genogt bier achter de knopen haar en t nait laanger verantwoord was om nog te zingen.

Meert 2019:
Onze dochter stuurt foto van t baandje Zieldieksterlaid: of wie dat nog waiten.
Waiten doun we dat zeker mor t baandje hemmen wie nait meer.
Vriend van onze dochter was as lutje jong in 1990 bie t feest west en hai kon t refrain nog steeds zingen en zien moe haar t baandje nog.
Of dij Hans van der Lijke, voader van de vriendin waas.
Dat was zo. Baaide kiender hemmen mekoar meschain wel zain doudestieds ien Zieldiek.

December 2019:
Mien verjoardagskedo van dochter: cd Zieldieksterlaid, baandje is remasterd en der staait ook nog n aander nummer op Rondenom.
k Wor nog aal bliede van t Zieldieksterlaid en van de herinnerns aan dij tied van dou.

Van baaide nummers kinnen joe hieronder n stukje luustern. t Haile nummer staait op spotify.

2 reacties op “t Zieldieksterlaid”

  • Debora Bulthuis schreef:

    Wat een prachtig verhaal.
    Ook ik heb nog mooie herinneringen aan die tijd .
    Door jullie dochter ,mijn zoon en het bandje is er nu de cd ,hoe mooi is dat .

    Groetjes ,
    Debora

  • Hallo Debora
    Dank voor je spontane reactie
    Dank bovendien voor het via jou weer
    tevoorschijn komen van een lied waarvan ik
    het bestaan al bijna was vergeten.
    Hartelijke groet !!

    Groeten van Hans en Tinie.

Zet n reaktie op stee

Velden mit n * binnen verplicht

< Terug noar overzicht van mien Dagbouk