Archief veur september, 2020

t Zieldieksterlaid


cassettebandje-4

Afbeelding 1 van 3

1990:
Wie belanden ien Zieldiek bie familie.
Doarveur waren wie nooit eerder ien Zieldiek.
Mooi dörp mit n actieve verainen, dij wait kreeg van dat ik aan loop was mit tekst en gitaar.
Of ik din nait n laid kon schrieven veur t nijjoarsfeest.
Dat kon ik wel.
t Laid was der mor mit allent gitaar was t beetje koal.
Zo kwam ik aanbeland bie Freek Lagerwij.
Ien n ydillisch gelegen hoeske ien t bos van Ter Oapel, hemmen wie t laid opnomen.
Freek zol t laid nog noabewaarken en dat het e ook doan.
Der bennen dou op kosten van dörpsverainen hail wat baandjes moakt.
Op feestoavend zulf mos t laid ja ook zongen worden.
Ik allint mit mien gitaar, n stuk minder lewaai mor zoal ging zo mit aan loop dat dat nait opvuil.
Dij oavend is t laid wel vief zes keer zongen: ‘Kinst m nog n keer doun’?
Tot ik genogt bier achter de knopen haar en t nait laanger verantwoord was om nog te zingen.

Meert 2019:
Onze dochter stuurt foto van t baandje Zieldieksterlaid: of wie dat nog waiten.
Waiten doun we dat zeker mor t baandje hemmen wie nait meer.
Vriend van onze dochter was as lutje jong in 1990 bie t feest west en hai kon t refrain nog steeds zingen en zien moe haar t baandje nog.
Of dij Hans van der Lijke, voader van de vriendin waas.
Dat was zo. Baaide kiender hemmen mekoar meschain wel zain doudestieds ien Zieldiek.

December 2019:
Mien verjoardagskedo van dochter: cd Zieldieksterlaid, baandje is remasterd en der staait ook nog n aander nummer op Rondenom.
k Wor nog aal bliede van t Zieldieksterlaid en van de herinnerns aan dij tied van dou.

Van baaide nummers kinnen joe hieronder n stukje luustern. t Haile nummer staait op spotify.

Zweden


11.-Stilte-ien-mien-zail-3

Afbeelding 1 van 3

Stilte in mijn ziel

Geen kettingzaag- geen vaag gerucht
van mensen of motoren.
Alleen de wind die even zucht
en ruist rondom mijn oren.

Een dak van naalden en van blad.
Een takje kraakt onder mijn voet.
Ik veer over dit kronkelpad.
Een muggendansje rond mijn hoed.

En dan ineens- een open veld
een doorkijk op een glazen meer.
Een stroom van wonder en geweld
daalt ginds vanuit de hoogten neer.

Met zuiver witte kragen schuim.
Ik voel geluk in overdaad.
De wereld is zo mooi en ruim
en ruist en bruist van overmaat.

Geen vierbaans hier- geen klaverblad.
Oh lot- wat valt mij hier ten deel?
Enkel maar schoonheid op mijn pad
en stilte reinigt- maakt ons heel.

Stilte ien mien zail

Gain kettenzoag – gain voag gerucht
Van minsen of motoren
Enkelt de wiend dij even zucht
En kibbert aan mien oren

n Dek van noalden en van blad
n Takje brekt onder mien vout
Mien voutstap veert over t pad
n Neefke jouwstert rond mien houd

En din inainen – open veld
n Deurkiek op n glanzend meer
n Stroom van wonder en geweld
Komt daldernd van de högten heer

Mit zuver widde kroagen schoem
Ik vuil geluk ien overdoad
Dis wereld is zo rij en roem
Roesket en broest van overmoat

Gain vaaierboans – gain kloaverblad
Bie lutjen aan wor ik weer hail
Stap k over vlinten op mien pad
En komt der stilte ien mien zail