Archief veur december, 2017

Rondje Noord 118 thoes ien nDaam



foto’s: http://tiniehoek.nl

Thoes is dat hoes 

Thoes is dat hoes – mit n heeg en n hek.
Veur die en veur mie is dat aigenste stek.
Stee om te weden.
Stee veur opheden.
En veur ons baaid nog gain spoor van gebrek.

Thoes is dat hoes – doar doe heurst – doar ik heur.
Twij dege deuren – ain achter – ain veur.
Veur t kommen en goan.
Mor blief even stoan
Bie ons ploatske mit viever – vol leven en fleur.

Thoes is dat hoes – veur n kat op mien schoot.
Lees ik mien dagblad – en bak ik n brood.
Loop ik om ‘ bosschop.
Want kovvie is op.
Winkel om houk – en doarom gain nood.

Thoes is dat hoes – en doar vuil ik mie hail.
Thoes is zowat  – as ons lutje kestail.
Of beter nog börg.
Stee veur laifde en zörg.
En nDaam is nDaam – en dat is ons jewail.

Thoes is dat hoes – doar is ’t vaaileg en vrij.
Zo dag en deur – is ’t doar roem – is ’t doar rij.
n Kwinne van gold.
Doar worren wie old.
Aal nog mor deur – van’t oljoar weer ien nij.

Thoes is dat hoes – doar ik bin dij ik bin.
Onner dat dak – dou ik mainst wat ik kin.
Heb ik die laif – doe.
Laag ik en schraif – doe.
Neem ik en geef ik – verlais ik en win.
…………………………………………………………..

Geen dag overslaan

Laat ons de jaren wat rekken
En nog geen dag overslaan.
De rug nog wat rechten en strekken
En gaan waar we voor willen gaan.

En overdaad is overbodig.
Te groot is in wezen maar klein.
Maar de plek voor ons hier die is nodig
Om te zijn die we zijn die we zijn

………………………………………………………………………..

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

 

 

 

 

RondjeNoord 117 – Hichtum/Friesland – 2015


[

foto’s: http://tiniehoek.nl

Heit en mem binnen kiender.

Vraislaand het zien aigen wies
mit buter, brea en griene tsiis.
Vanzulf dat ’t doar ook schier is.
Zo schier asdat ’t ook hier is.

Wat ik nog eefkes zeggen wil;
ien toal zit ook nait veul verchil.
Want hounder dat binnen hynder….(?)
En Heit en Mem binnen kiender…..(?)

……………………………………………………….

Blijf zoals je bent

Meren – grachten – sloten – plassen.
Onbedorven horizon.
Doet verbazen en verrassen.
Groene onbedorven bron.

Huis van de elfstedentocht.
Zelfs de ijsvloer wordt gedweild.
Klei en gras en – sinne ljocht.
In dit land dat reilt en zeilt.

Stipje op de wereldkaart
en toch meer dan waardig.
Stipje met een eigen aard.
Trots en eigen/aardig.

Land dat hoop ik blijven zal
zoals menigeen het kent.
Mooi en tijdloos bovenal.
Blijf vooral zoals je bent.

……………………………………………….

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl