Archief veur december, 2015

31 – 01 – 2016 Dörpshoes Wirdum


Zundag 31 jannewoari 2016 staait der in t Dörpshoes van
Wirdum tuzzen 15.00 en 17.00u. weer n muzikoale middag
pland.
Op dij leste dag van jannewoari is t din de beurt aan mie om
dij uren ien te vullen mit mien laidjes en proatjes.
Mooi man – k mout mie bedappern want aans spij ik mie
vandoag al ien handen.
Der komt n flyer van t spul mit ditten en datten en zo gaauw
asdat ik der aals van wait – zel k dit bericht nog aanvullen.
Hol t in de gpaten.

Rondje Noord 79 – Noorwegen 2011



Foto’s: Tinie Hoek

Noam en sleudelwoord

Norge – noam en sleudelwoord.
Speur ik die of dreum ik die?
Gletsjers tot aan hemelpoort.
Widde wolken onder mie.

t Haile dal vol widde wieven.
Wereld wel zowat oet t zicht.
Duren doar heur kuren drieven
onder wit midzummerlicht.

…………………………………………..

 Woordverlegen

Sprakeloos en woordverlegen…
Laat maar zwijgen die gedichten

Aan het alfabet ontstegen
duizelende vergezichten
struikelende waterwegen.

Laat maar zwijgen die gedichten
Sprakeloos en woordverlegen…

…………………………………………

Omtrint ainmoal in vattien doagen
op dit stee twij gedichtjes. Ain in t
Grunnegers en de aander in t Nederlands.
Bie de gedichtjes heuren foto ’s van
Tinie Hoek.  www.tiniehoek.nl
Foto’s en gedichtjes vertellen joe wat
over
n wondermooi stee woaraarns in n
noordeleke regio.

Goa  veur meer Rondjes Noord noar
Dagbouk en scroll omdeel.

22 – 01 – 2016 Dörpshoes Ubbegaheem Saauwerd


Stichten 55+ (Oadörp – Saauwerd – Wetzinge) het op
vrijdag 22 jannewoari heur joarliekse nijjoarsoavend
in Dörpshoes Ubbegaheem ien Saauwerd – Burchtweg 4
Oavend begunt om 19.30 u
Kin weer n schiere en veuraal gezellege oavend worren
veur de leden van 55+ en heur aanhang.
k Zel ien aals geval mien oeterste best doun om dat woar
te moaken!
Jammer meschain wel – mor vanzulf dat dizze oavend
besloten is!

Rondje Noord 78 – Denemarken 2008



foto’s: Tinie Hoek

Veur aaltied onder t schoed

Doar gunters doar ligt Knudt.
Gain vel meer om zien snoet.
Hai dee t hier onder zun en moan
haalfschaaid van wereld slecht vergoan.
Doar gunters doar ligt Knudt.
Veur aaltied onder t schoed.

Doar gunters doar ligt Knudt.
Knudt komt der nait meer oet.
t Liekt wel wat op n hunebed.
t Is ales wat hai hier nog het.
Doar gunters doar ligt Knudt
maank diesel en maank roet.

Doar gunters doar ligt Knudt.
Gain board – gain hoar – gain hoed.
Bie leven boas- en bovenboas.
Nou het hai niks meer – ains gain moas.
Doar gunters doar ligt Knudt.
Wat rest is graauw en groet.

…………………………………………….

Licht tussen hemel en aarde

Was er licht tussen hemel en aarde?
Zeg me: Wat was voor jou meest van waarde.

Was die waarde te koop
en wat was het gewin.
Was het liefde en hoop
was het vraag naar de zin.

Was het gave en gunst
was het goed was het echt.
Was het schoonheid en kunst
was het rede en recht.
……….

Zonder geestkracht en geest
boekt de mensheid geen winst.
Blijft het minste het meest
en het meeste het minst.

Zeg me: Wat was voor jou meest van waarde.
Was er licht tussen hemel en aarde?

……………………………………………………………

Omtrint ainmoal in vattien doagen
op dit stee twij gedichtjes. Ain in t Grunnegers
en de aander in t Nederlands.
Wieder ain- of meerdere
foto ’s van n biezunder-
of wondermooi stee
woaraarns in n noordeleke regio.
Foto(‘s)  en gedichtjes vertellen t zulfde verhoal.
Goa veur meer Rondjes Noord noar Dagbouk
en scroll omdeel.

18 – 12 – 2015 Groningse taal en muziek


Op vrijdagoavend 18 dezember is der in t
Pomphuis op de hoek van de Schuitemakersstraat
en de Kleine der A – in Stad Grunnen wat te doun
onder de noam: Groningse taal en muziek
Dut mie deugd dat ik onder dij parreplu van
19.30 – tot 20.30  doar wat van mie heuren loaten mag.