Archief veur oktober, 2015

Nijjoarskonsert 3 jannewoari 2016


Op 3 jannewoari 2016 binnen wie (Hans van der Lijke -Bert Ridderbos
en Linde Nijland ) om 15.00 u. te gast in het Esway atelier van taikenoar
en kunstschilder Geert Schreuder.
Geert het n bult zin aan dit nijjoarsgebeuren – en wie ook.

9 november in de Centrale


Ankom 9 november te gast in Stad Grunnen
bie R.T.V. Noord.
In de Centrale ( t Programma van René Walhout. )
Wie zellen zain datter din tussendeur tied is veur drij laidjes
oet de nije CD – box Dagbouk van n troubadour.
Ook Bert Ridderbos en Linde Nijland binnen din
van de partij om dit gebeuren wat extroa klankkleur
mit te geven. En doar wordt t nait minder van !

Radio Westerwolde 7 november


Op 7 november weer ais te gast bie Janny de Vries
van radio Westerwolde. Heur streektoalprogramma
begunt om 9.00 u.
t Is der aaltied gezelleg en kovvie staait kloar.
Wie hemmen weer genog te proaten…oa over mien
noagelnije CDbox.

Rondje Noord 76 – Schotlaand 2013


foto’s: Tinie Hoek (www.tiniehoek.nl)

Din dou t zulf mor beter!

t Is nait ieder bot
t grootste genot.
Mor ik mag hier wel weden
in t Hofke van t Heden
Veuraan bie de reep en mit t gat op t pluus.

Mor wat neem ik nog mit
aan t ìnd van de rit.
Niks meer as wat taimkes
en lutje gehaimkes.
Niks meer nog as enkeld n himd zunder buus.

Dus loat mie mor goan
mit n lach en n troan.
Ik kom zunder bril ja
wel over de til ja.
Meschain wor k wel haaileg aan aander kaant sluus.

En dee ik t nait goud.
Nait recht zo as t mout.
Nog nait veur àin meter!
Din dou t zulf mor beter
en spieker mien himd din aan t haailege kruus.

………………………………………………………………………

Debet – credit

De tijd – eerwaarde heren
zal mij de schedel scheren.
Dan staan mijn crediteuren
voorgoed voor dichte deuren
en stopt het factureren.

De tijd zal mij verslijten.
Wie zal mij dat verwijten
of zal mijn lot betreuren?
Misschien mijn debiteuren.
Zo simpel zijn de feiten.

……………………………………………………………………

Ainmoal in vattien doagen op dit stee twij
gedichtjes. Ain in t Grunnegers en ain in t
Nederlands.
Ain of meerdere foto ’s van Tinie
der bie tou.
Foto ’s en gedichtjes vertellen joe
wat over n biezunder
of wondermooi stee
woaraarns in n noordeleke regio.
Goa veur
meer Rondjes  Noord noar Dagbouk en

scroll omdeel.