Archief veur augustus, 2015

Rondje Noord 73 – Iesland – 2008



Foto’s: Tinie Hoek

Knipoog van de aiveghaid.

Sund ik die zaag – en bie die ston…
veur even bie die weden kon…
bist n geschenk – n wizze wait…
n knipoog van de aiveghaid…
noar t roesken van mien haart – mien bloud…
noar wat der wuilt deur mien gemoud.
Doe zingst en zuzooist deur mien zail…
moakst ale lutje haalfkes hail.

Sund ik die zaag- en bie die ston…
veur even bie die weden kon…
bist n geschenk – n wizze wait…
n knipoog van de aiveghaid…

………………………………………………………

Eeuwig elixer

Eeuwig elixer – constant af en aan.
Zoals ook gedachten steeds komen en gaan.

Meedogenloos stuiterend watergeweld.
Het feest van een beest dat mijn hartslag versnelt.

Recept tegen hebzucht en landerigheid.
Hier raakt er mijn ziel al zijn pukkeltjes kwijt.

………………………………………………………..

Omtrint ainmoal in vattien doagen op dit stee
twij gedichtjes. Ain in t Grunnegers en ain in t
Nederlands. Baaide gedichtjes zeggen wat over
de foto’s van n
biezunder of wondermooi stee
woaraarns in noordeleke regio
.
Goa veur meer Rondjes Noord noar Dagbouk
en scroll omdeel.

Landeleke muzeumdoagen in Muzzel 12 Sept


n Aanroader / Op zotterdag 12 september dut muzeum Stelmoakerij
Wever uut de Muzzel mit aan de landeleke muzeumdoagen. t Spul is
dij dag opend van tiene tot vaare mit rondlaaidens – olde ambachten
en n schilderijententoonstellen van Geert Schreuder.
Ik wol mor zeggen datter aan de Musselweg 58a / 9584 AG Mussel hail wat
te zain en beleven is op dij twijde zotterdag in september.
Nait te vergeten datter ook n Grunneger troubadour oet nDaam omstruunt.
n Zekere van der Lijke. Kerel staait en zit – en zingt doar nait allind veur
joen plezaaier mor ook omdat hai der oardeghaid aan het om der op dat stee
wat moois veur homzulf van te moaken.

Rondje Noord 72 – Ierlaand – 2014


Foto’s: Tinie Hoek

Kloar veur t Hemels licht

Zat n riege iepmkrieten op n laange droad
stiekom wat te schieten en lewaaien – dikke proat.
Haren t aalgedureg over t peerd doar onder heur.
Over peerdemoazen – peerdestront- en peerdemeur.

Zeden dat àin peerd veur honderddoezend sprötters schit.
Zeden peerden zitten tot aan kop tou vol mit shit.
Wozzen wizze: Is niks groder as n peerdemoas.
Oetgezunderd din vanzulf meschain n peerdeblóas.

Gaait n peerdemoas sums veur n ogenblikje dicht
draait doar onder weer wat open – want zo’n daaier migt.
Sputtert – fluttert – dampt en dookt en zòwat – en veuraal
flottert – flattert – klattert as n waarme wottervaal.

Zeden: Wie  as sprötters – doun de wereld gain verdrait.
Schieten doun wie zuneg – miegen doun wie haildal nait!
En dou knepen zai heur oogkes tou en moaskes dicht.
Vrij van zunden – zo onschuldeg – kloar veur t Hemels Licht.

……………………………………………………………………………………

Zeloten

Mijn opa was paard en mijn oma was paard.
Mijn ouders – twee paarden die paarden.
Dus heb ik één hoofd – vier benen – één staart.
Want ik erfde hun aard en hun waarden.

Hier boven mij zitten zeloten.
Zij hebben geen mond maar een snavel
en veren – één kop en twee poten.
En moeten het doen zonder navel.

………………………………………………………………………………….

Omtrint ainmoal in vattien doagen op dit stee twij gedichtjes.
 Ain in t Grunnegers en ain in t Nederlands.
Ain of meerdere foto ’s van Tinie der bie tou.
Dij gedichtjes vertellen joe wat over n biezunder
of wondermooi stee woaraarns in n noordeleke regio.

Goa veur meer Rondjes Noord noar Dagbouk en scroll omdeel.
Goa veur meer foto ’s noar www.tiniehoek.nl

 

 

 

Kerkje Oosterwijtwerd 10 oktober 2015


In t mooi twaafde aauwse kerkje van Oosterwijtwerd heb k mie
zulf al twijmoal eerder heuren loaten. Grunneger olle kerkjes
binnen in goie handen bie: Stichting Oude Groninger Kerken
en van dij gevolgen is dat kerkje dit joar restaureerd en staait t weer
te pronken middenmaak de glorie van de Grunneger kontraainen.
Dij olle Grunneger kerkjes binnen uniek en ain van de biezunderheden
aan t kerkje van Oosterwijtwerd is dat de accoustiek doar perfekt is.
Ainvoudeger zegd: ale woorden – of ze nou sproken worren of
zongen – valen doar op stee – d.w.z. goud verstoanboar.

Om n laank verhoal kört te moaken  – k bin doar vroagd veur n optreden
op 10 oktober. Soort van hoeskoamerkonsert veur lu dij wat te vieren
hemmen. Besloten vanzulf – mor k bin der wies mit.

 

200 joar Adrillen 3 november 2015


200 Joar Adrillen maag vanzulf zomor nait veurbie zunder datter
in Winschoten (Sodom) zo hier en doar extroa aandacht aan geven wordt.

Doarom is der op 3 november ook nog oareg wat meer dieverdoatsie regeld
as aans.
Op dij dinsdag 3 november is der bieveurbeeld n entertainment/info-beurs
van 10.00 tot 17.00 in de Tramwaarkploats – Havenkade West-3
en in de tent der noast.
De theoaterzoal van de Tramwaarkploats staait din in open verbinden mit dij
tent doar ie de infobeurs bezuiken kinnen.

10.00   Opening deur wedholder Bard Boon
10.15    Boven Wotter (Koor)
10.45    Pauze
11.15     Hans van der Lijke (troubadour)
11.45     Pauze
……………………………………………………………….
13.00    Nul en Nix zang/cabaret
13.30    Pauze
13.45    Koor Vossenburcht school
14.15    Hans van der Lijke (troubadour)
14.45    Pauze
15.00    De Korenaar  (Koor)
15.30    Nul en Nix zang/cabaret
16.00    Pauze
16.15     Uitsmijter (Muzikale clown Antonio)
17.00     Einde

10 november 2015 – Dag van de Mantelzorg


Op tien november is t ook in Sodom weer
Dag van de Mantelzorg. 

Der wordt op dij dag  henter en twenter aandacht geven
aan t feit dat t welzijn van honderddoezenden  medeburgers
mede ofhankelk is van n sikkom even groot aantal
vrijwillegers dij geregeld kloarstoan mit heur groates dainsten.
Ik zol zeggen : Chapeau veur ale Mantelzörgers.
BRAVO veur dij onmisboare handlangers.
……………………..
In Winschoot wordt heur doarom op 10 – 10 – 2015 in
Cultuurhuis de Klinker n gevarieerd programmoa aanboden.

10.00                  Inloop
10.30                  Opening
10.30 – 11.15     Theater (Wycher van den Bremen)
11.15  – 12.30     Keuze tussen: Workshop Zentangle
(Zentangle is een heel ontspannen manier van 
                              tekenen)
Of verzorgingssessie handen – nek enz.
12.30 – 13.30     Lunch
13.30 – 14.15     Workshop of verzorgingssessie – zie boven
14.30 – 15.15     Optreden Hans van der Lijke
15.30                   Afsluiting van de dag