Dik viefentwinteg joar leden reden wie achter de verhuurder van Nieuwe Veendijk 13 veur de eerste moal Veelerveen binnen. Doalek aan t begun van de Verbindingsweg schemerde t witte hoesje ons aal in de muid. Achternoa het Tinie geliek kregen. k Wait woord veur woord wat zai zee op t moment dat zai t hoesje ien de kieker kreeg: “As t dat witte hoesje is, doar tussen dij bomen, din wonen wie doar de eerste viefentwinteg joar. “‘
Op dizze foto s van Tinie, mit gedichtjes van Hans, kinnen ie zain hou wie ons wonderstee achter loaten hebben.
