Ook de baron – veurnoam fossiel
Blift as zodoaneg onder ons
Mit zien gedenkensweerd profiel
Op edel – tied trotserend brons

Domt wordt meschain zien wonderstee
n Soort van ballebakkenkroam
Mit ansichtkoarten en entree
En regen bit en slit zien noam

Dou tied kwam veur de barones
(Dij dooie dood kin gain perdon)
Von dij ien ain roam heur adres
Dou t weden zol veur de baron
Was dij de dood n streepke veur
Hai kocht zok in Amerikoa
Twij boomkes – en hai plantte heur
Ien t paark – kom mie dij nait te noa !
Doe pierlala – doar blifstoe òf !
Dat groots idee – dat aalsmor gruit
Idee van leven – laifde – love
Omhoog – de hemel ien de muid