Haile wereld is kunst
Is vergees veur dij t zigt
Is n gift – is n gunst
Veur dij t geft – veur dij t krigt

Is de wiend deur t rait
Is n tiekje op haand
Gain gehaim veur dij t wait
Is n voutstap ien t zaand

Is de bron – is n kelk
Is n bloum – is n iem
Is veur aaltied en elk
Is t ritme – t riem

Van het woord – t gedicht
Is n paauw – is n swoan
Is t aivege licht
Is n kring om de moan

Is t spoor van n slak
Is t web van n spin
Rovvel regen op t dak
Is t leven – de zin

Net zo mooi of gewoon
Net zo klain of zo groot
Zo biezunder – zo schoon
As n kikker ien sloot

Sums wel net zo veul weerd
As t doageleks brood
As n krul ien de steert
As ol iezer of lood

Haile wereld is kunst
Is vergees veur dij t zigt
Is n gift – is n gunst
Veur dij t geft – veur dij t krigt