De zee – de zun – de dag verguld
De knoopkes van n zummerklaid
De onschuld en t ongeduld
t Blote vel – verlegenhaid
De waarme wiend – t zaachte zaand
De drokke wereld – vot – zo wied
Genegenhaid – n speulse haand
Zuzooien deur vertroagde tied

Twijduustern staait om houk en wacht
De maiwen – troage vleugelslag
Zai zaailen – wieken noar de nacht
Achter de dreum van dizze dag
Mit Venus boven t oavendrood
t Licht vergaait – verstaarft ien kleur
n Stip doar onderdeur – n boot
De grieze golven waigen heur

Dit uur van zuver parlamoer
Dit aailand in de aiveghaid
Forever – aaltied – veur toujours
Doar doe van waist – doar ik van wait
Dij stilte tussen slecht en goud
Dat nowhereland – veur vree en rust
Dij zandbaank tussen eb en vloud
Dat stee veur laifde en veur lust

De zee – de zun – de dag verguld
De knoopkes van n zummerklaid
De onschuld en t ongeduld
t blode vel – verlegenhaid
De waarme wind – t zaachte zaand
De drokke wereld – vot zo wied
Genegenhaid – n speulse haand
Zuzooien deur vertroagde tied