Archief veur mei, 2018

Rondje Noord 127 Noordscharwoude 2016


 

 

 

 


foto’s: http://tiniehoek.nl  

Laimeneer zien hoge houd 

Of t wotter gruin of blaauw is
en net  geliek doar t vaalt of vil…
of gries of wit of graauw is …
t wotter het gain aigen wil.

Wait niks van eerde zun en moan
en laimeneer zien hoge houd.
Kin enkeld kommen en weer goan
mit zowat as van eb en vloud.

……………………………………………….

Als door het tij verdronken.

Dit rechtopstaande – maakt gewag
van waar Scharwoude eerder lag.
Wat hier geweest is werd gewist
en op den duur niet meer gemist.

Wat kwijt geraakt is in de tijd
ligt tot in allereeuwigheid verzonken.
Zelfs de herinnering verslijt
en wordt nog tweemaal daags als door het tij verdronken.

………………………………………………………………………………

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

Westerwolde Rijgt -Terra Morra Boertange – ankom 14 juni 2018


Aaltied schier as der veur mie weer wat te doun is ien Westerwolle
omreden dat doar roem  aalder-aaldermainste voutstapkes stoan van aal dij stapkes dij
ik ien oaflopen vaarenzeuventeg joaren henter en twenter achterloaten heb.

Der is doar om zeuven uur de opening van n projekt onner de noam van:
“WESTERWOLDE RIJGT” bij Terra Morra in Bourtange.
Aan mie de opdracht om tussen 19.00 u. en 21.00 u. twijmoal n haalf uurtje
mit mien Grunneger verskes veur de droad te kommen. Ik verheug mie der slim op.

(Ain en ander komt tot stand ien soamenwaarken mit kiender van n basisschoul.)
(Veur meer info over Westerwolde Rijgt:
https://westerwolde.groningen.nl/zien-doen-beleven/westerwolde-rijgt-2

 

 

 

Rondje Noord 126 – 2016 – Noorwegen


 

 

 

foto’s: http://tiniehoek.nl 

Zunder n brug

Brug – veur doar mien stapkes stoan.
Veur doar ik geern kom.
Van hier noar anerkaant te goan
en ook noatied weerom.

Zunder n brug noar ‘t stee van die
blift ‘ wereld hier mor klain.
Zunder n brug noar ‘t stee van mie
Zelwe mekoar nooit zain.

……………………………………………….

Herkenning

Land aan de rand van een groots continent
dat mij met zijn hemelse schoonheid verwent.

Met steeds die herkenning.
Met weidsheid en zicht
Geen spoor van gewenning.
Met sprankelend licht.

Alsof ik het altijd al wel heb gekend.
 

 ……………………………………………………………..

 Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl