Archief veur november, 2017

Westerwolde 23 – 06 – 2018 – Wandelweekend


Wandelweekend  ankom drijentwinteg juni 2018.

Moi lu !

Duurt nog n zetje – wait ik wel – gaait eerst nog hail
veul aans wat gebeuren veurdat ’t zo wied is – mor din……!!
Din zelt’ weer weden. Din doun ie de koierlatten
mor weer onder t gat en din mor lopen deur t mooie
Westerwoldse laand.

Start 17.30 – finish 21.30 – t Mooi weer is besteld!
Muite weerd lu – k wait der van – ‘k heb ja viefentwinteg
schiere laange joaren touholden in Westerwolle.

Ie zellen joe onderwegens boetendes echt nait vervelen.
Is genog te doun.
Staatsbosbeheer is op t appel en wieder is der woaraarns
op ’t trajekt n tenailveurstellen te beleven. Ook is der n ezelstal
en doarom reken ik datter ook ezels binnen.

Mooi man – mor loat ik miezulf nait vergeten. Ik zit of loop
bie de meulen (Weddermarke) en ik speul en zing doar veur
joe de sterens van de hemel.
Mor as ie der niks aanvinnen loop din mor gerust deur want lopen
is gezond.
Meschain zain wie mekoar doar wel en ik neem in aalsgevaal
n poar spaigelploatjes mit. (Kins nooit waiten)

Tot kiekes op zotterdag 23sten van ankom junimoand

Moi!

Bert en Henny 16 dezember viefteg joar traauwd


Golden bruloft veur Bert en Henny

Henny kin ik nog nait mor dat zel gaauw
veraandern omreden dat dij twijbaaiden
ankom 16 dezember viefteg joar traauwd binnen
en omreden dat ik nuigd bin om doar n muzikoal
kleurtje aan te geven.
Hail biezunder – ook veur dizze man want mit Bert
zat ik veur n dikke 60 joaren terug ien t zulfde
juniorenelftal (B 2) van de voetjebalverain Roon)
(Roden) – in 1955 binwe kampioen worren.

Wie moaken der mitnkander wat van op dij heugelke dag
doar ien Café Beuving ien Bavvelt. t Is vanzulf besloten
mor ik kin t nait loaten om der hier toch eefkes melding
van te moaken.

 

Rondje Noord 116 – Rondomrond nDaam – 2016


foto’s: http://tiniehoek.nl 

Mooier as maal

Om nDaam tou is ’t mooier as maal.
En Damsters dij waiten dat áál.

Dij kinnen heur stad.
En dij waiten van hou.
En van woar en van wat.
Van vandoag en van dou.
En dij goan sums op pad
en der haildaal om tou.

Want Damsters dij waiten dat áál:
Om nDaam tou is ’t mooier as maal.

………………………………………………

Een rondje Appingedam

Ik wil best met jou naar Gilzerije rije.
Effe same met jou Krimpe an de Lek.
Same Krimpe an de IJssel metse bije
lijkt me gek genoeg ook hélemaal te gek.

Maar ik heb in Kopehage niks te kope.
Want ik heb hier toch een beste boterham.
En waarom zou ik rond Hindeloope lope???
Ik loop echt veel liever rond Appingedam.
……………………………………………………………

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

13 – 01 – 2018 – Zanggroep Flexibel – Faarmsom


Is vanzulf besloten mor…………………………..

Zanggroep Flexibel oet Faarmsom is
op zotterdag dattien jannewoari ais n oavend
allain veur zokzulf bezeg op heur vertraauwd
repetitiestee (Café Pijpplein ien Faarmsom)
Dij oavend hemmen zai heur nijjoarsveziede
en mag ik onder bedrieven deur doar aan de bak
n Schiere oetdoagen – nait din?
Komt aal goud – ik kiek der noar oet – wordt
veurvast n gezellege  en leerzoame oavend

17 – 12 – 2017 Hof van Daam


Zundag 17 dezember is der ien t Hof van Daam
(Dijkstraat 57 Appingedam) vanof 14.00 u
wat te doun.
Lu droagen veur – doun heur vertelsters en zowat
meer en k bin zulf ook nuigd om mien verskes
heuren te loaten.
Om entree huiven ie t nait te loaten (twij euro leufk)
en doar hemmen ie as k mie nait vergis ook nog
n kopvol kovvie veur – of thee.
t Het doar eerder al n moal te doun west mor dou was
k verhinderd mor ankom raais zel t mie nait ontkomen.
meschain zain wie mekoar in Daam1

Rondje Noord 115 Lueneburgerheide – Soltendieck/Suhlendorf 2014


foto’s: http://tiniehoek.nl

Aivege smacht

Dij aivege smacht
noar riekdom en macht
dut minsen verdailen
dut wereld nait hailen
is nait doar dat woarhaid
en kloarhaid op wacht.

Is wat om zok touslagt
vernailt en verkracht.

Gaait mie wieder naarns om
(
Oet Dagbouk van n troubadour)

O schepper – wat ik zeggen wol.
Schepper – schep mien bordje vol.
Schep mien moeke honderd joar.
Schep de wereld mor weer kloar.
Schep mien opoe heur gerak.
Schep mien voader zien tebak.
Ie hemmen ja zo as dat t hait
zo veul tied as aiveghaid.

O schepper – wat ik zeggen wol.
Schepper – schep mien bordje vol.
Schep mie stiekeltjes in sloot.
En gazeuze – gruin en rood.
Sukkeloamelk zunder vlij.
Schep mie ies en schep mie snij.
Schep mie scheuvels – mor veuraal
ook n echte leren baal.

O schepper – wat ik zeggen wol.
Schepper – schep mien bordje vol.
Schep mie ook nog as dat kin
laifst van alles nait te min.
Schep mien bruier wat hai wil.
Hol ik mie wel eerst weer stil.
Gaait mie wieder naarns om.
Schep mien zussie mor weerom.

…………………………………………………..

Uiteindelijk nabij.

Maart vijfenveertig viel het doek.
Jouw leventje één zucht.
Je raakte als voor altijd zoek…
gestorven op de vlucht.

Met niets meer dan een dennentak
ter afscheid op je kist.
En ik – die nog geen woordje sprak
en nergens nog van wist…

had nog geen weet van moord en brand
en van jouw laatste uur.
Zo bleef je achter in dat land
vol haat en hellevuur.

Àls ik al zag hoe jij vertrok
dan weet ik dat niet meer.
Een dwangarbeider op de bok
daarnaast een oude heer.

t Is niet dat het er veel toe doet
maar bij jouw laatste reis
droeg grootvader zijn hoge hoed
en oogde vaal en grijs…

van pijn en wanhoop en verdriet
als niet te vatten groot.
Met niets dan zorg in het verschiet
en schaduw van de dood.

De aarde nam jou daarna op.
Je kreeg een sober kruis.
Klein kleutertje – net uit de dop.
Oneindig ver van huis.

En wij vonden de laatste trein
terug naar eigen land.
Een tocht van zijn of niet meer zijn.
Een wedren langs de rand.

Jouw jonge leven was de prijs.
Een thuiskomst zonder jou.
Hoe velen werden wereldwijs
na onmacht en berouw?
…………………

Maar tijd – die al wat is verslindt…
verzachtte – maakte vrij…
en bracht ons dit verloren kind
uiteindelijk nabij.

…………………………………………………………………………

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

…………………………………………..