Archief veur oktober, 2017

Rondje Noord 114 Omgeving Appingedam 2013


 

foto’s: http://tiniehoek.nl

Gebed veur ankom doezend joaren

Oh Laimeneer- blief biederhaand.
Wil nait òmtierelieren.
t Blift hier leeg op ‘t Hogelaand.
Joen kerkjes stoan op wieren.

En ‘t wotter schoemt bie dieken laans
en dut joen laand begeren.
Dat blift – dat wordt nooit aans as aans.
Want tij is nait te keren.

Doarom – dit laand – doar ik van hol…
wil ons dat opbewoaren.
En hol dat eerst ains even vol
veur ankom doezend joaren.

Amen.
………………………………………………………..

Hier deel ik – en ik deelde

Dit land is opgericht uit klei,
een ongekende weelde.
Uithuizermeden heet hier: “ Mij.”
Maar Eelde noemt men Eelde.

Hier ben ik als een kind zo blij.
Hier speel ik en ik speelde…
Hier ben ik thuis- en frank en vrij.
Hier deel ik – en ik deelde.

……………………………………………………………………

Ainmoal in omtrint vattien doagen op dit stee twij
gedichtjes.
Ain in t Grunnegers en ain in t Nederlands.
En ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

…………………………………………..