< Terug noar overzicht van mien Agenda < Terug noar overzicht van mien Dagbouk

Hunebed in de kieker- Tynaarlo – Zotterdag en Zundag -20 en 21 maai -2017

Dagbouk RSS
21/05/2017
13:00tot17:00

Hunebed in de kieker is n oetgebraaid veujoarsevenement
in Tynaarlo, verdaaild over twij doagen is der din in dij sikkom
drijhonnerd meter laange hoofdstroat n spitoakel van dit
en van dat – en veur elkenain wat – te doun.
Dij ainentwintegsten maai vaalt op zundag en dat is ook de dag dat
ik zulf van de partij bin mit mien Grunnegtoalege verskes en
fiebeldekwinten.
Krekt as op zotterdag 20 maai – begunt dat spul op
zundag  om ain uur en nait eerder as om vief uur
is t  din eerst weer doan.
Der is doar aan dij laange deurgoande weg ook woaraarns
n theetoene. Ik reken da k doar terecht kom – liekt mie wat tou
veuraal as der ook nog wat meer te drinken is as allint thee.
Ik zol zeggen kom kieken en roeken – ik regel dat ’t goud komt
mit ’t weer!

 

Zet n reaktie op stee

Velden mit n * binnen verplicht

< Terug noar overzicht van mien Agenda < Terug noar overzicht van mien Dagbouk