Archief veur september, 2016

Vrijdagoavend -28 oktober Kajuit 13 Stadskanaal


Op 28 oktober is der op t adres Kajuit 28 in Stadskenoal
n optreden van Hans van der Lijke.  Zel zo rond haalfacht begunnen.
Wees der op tied bie as ie der belang bie hemmen omreden t is n
hoeskoamer konsert bie Martin Smit en meer as 25 stoulen kinnen
der nait stoan.
Entree is €12. 50

Wat joe veur dat geld te wachten staait – is drij moal darteg menuten
hoogweerdege meziek mit schaarbe en schiere Grunneger teksten van Hans.
In de pauze geft joen entreebewies recht op zien CD Vannijs geboren en
veur t geval dat ie beschikken over twij entreebewiezen kinnen ie dij
ienlevern tegen zien nije CD-box “Dagbouk van n troubadour.”
Dij CD- box bevat vaaier CD’s. (Aal goud Hans???)
Boetendes staait tussendeur ook nog groates appelgebak en kovvie
van Martin op t program.
Wieder nog info te vinden op http//kajuit-inn.jimdo.com en
smitenzo@gmail.com

Nait òfwachten – mor reserveren en kommen!!! Ik goa der veur en der
tegenaan!

 

Rondje Noord 95 – Noorwegen 2016 (Hardangervidda)


Foto’s:  Tinie Hoek (tiniehoek.nl)

Lèste schaauw

“Dag zeuven” kraaide Hinnerk Hoan.
n Wereld mit n zun en moan.
Meroakel – krekt zo as dat ’t mout.
n Schiere boudel – zuver goud.
Aal kloar – en mooi op stee – goud doan!

Mor Laimeneer huil lèste schaauw,
Hardangervidda kwam hom naauw
en t staingoud mouk hai as van ies.
De wolken glìn en graauw en gries
en baargen ale kleuren blaauw.

……………………………………………………..

Vergezicht na vergezicht

Hardangervidda – achter bergen
worden wonderen verricht,
speur ik heksen trollen dwergen
met mijn beide ogen dicht.

Eindeloze groene wouden
badend als in sprookjeslicht.
Laat me altijd van je houden
vergezicht na vergezicht.

……………………………………………

Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
Ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl

Rondje Noord 94 Noorwegen 2016 (Telemarken)


Foto’s:  Tinie Hoek (tiniehoek.nl)

Gain omdenken – gain spiet

Wat is dat mit, “vervoaren?”
Wat is dat wel mit, “tied?”
Dij kin gain moes bewoaren,
moakt elkenain weer kwiet…

En wil mie niks verkloaren,
dij slaauwe iepmkriet.
Gain haart – gain zeer – gain oren,
gain omdinken – gain spiet.

………………………………………..

Mijn leven te boven

Na de laat- laatste dag van mijn dagen
zal ik niet meer om antwoorden vragen.
En ik spoed mij bevrijd
als verlost van de tijd
voor mijn rit op de hemelse wagen.

Naar de plek waar ook blinden en doven
kunnen horen en zien en geloven.
In zichzelf en elkaar
in wat echt is en waar.
En zo kom ik mijn leven te boven

……………………………………………………….

Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
Ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en
scroll omdeel.
Goa veur meer foto ’s noar www.tiniehoek.nl