Archief veur april, 2016

22-23-24 juli 2016 – Art Carnivale


23/07/2016
14:15tot15:00

Art Carnivale op ankom 22 – 23 – 24 juli 2016 het zok òfgelopen
joaren bewezen as n  aigenzinneg en kunstzinneg boetengebeuren.
t Schildmeer laint zok biezunder goud as achtergrond veur dit
drok bekeken en beluusterde festival.
Zo gaauw as dat mie dudelk wordt wat doar in tied van dij drij
doagen aal te beleven is, zel ik joe dat op dis stee waiten loaten
Veur miezulf betaikent Art Carnivale dit joar dat ik doar op
ankom 23 juli nuigd bin om mit mien Grunneger laidjes en körde
vertelsters van mie heuren te loaten. Dat zel weden van
14.15 tot 15.00 u.

Kommen! – Kieken! – Luustern! – Beleven! op….. 22 – 22 en 24 juli

k Heb t mooi weer al besteld.

 

 

10 juli 2016 bij fruitbedrijf Molema – Ol Diek


10/07/2016
11:00tot17:00

t Is ankom 10 juli nait veur t eerste moal dat ik te gast bin
bie Landwinkel/Wijngaard – Ol Diek, van de femilie Molema
Hoofdweg 26 9944 EB  Nieuwolda.
Veureg joar heb k doar mit aaibels veul plezaaier mien
CD-Box nog presenteerd en nog weer twij joar eerder was
doar ook de dag van de kersenpluk en din is t doar op dat
gastvrije bedrief n drokte van belang.
Ankom 10 juli hemmen we weer zo’n biezundere
kersenplukdag. Boetendes is der din ook nog veul meer te doun.
En veur t geval dat ie onder t genot van n kop kovvie of aans wat
ook nog even noar meziek luustern willen, din goa der mor veur
zitten want tussen 11.00 en 17.00 uur binnen doar mit regelmoat
De Stroatklinkers aktief en zel ook Hans van der Lijke mit
van zok heuren loaten.

t Wordt veurvast weer n schiere – drokke – gezellege dag.
Kommen !!!

 

 

 

 

 

 

Rondje Noord 87 Ierlaand – 2014 / Kunst lat mien gram vervoaren



Foto’s:  Tinie Hoek (tiniehoek.nl)

Kunst lat mien gram vervoaren

t Zit in wat de zanger zingt.
In schrift – in wat de dichter dicht.
In kleuren dij de schilder mingt.
In woorden swoar – of licht as licht.
Vertelsters – saga ’s – n verhoal.
Theoater – in meziek en daans.
In klank – in t ritme van de toal.
Wat het n mins din nait ommaans.
Meziek – doe zaalfst mien oren.
Doe zuzooist deur mien zail.
Doe lats mien gram vervoaren
en teuverst mie n smile.

………………………………………..

Licht van de toren

Kunst wordt door mensen geschapen.
en door natuur voortgebracht.
Ligt in dit land voor het rapen.
Zomaar – door niemand bedacht.

Statisch – of als een gebeuren
dat me de adem beneemt.
Schepping in vormen en kleuren
die openbaart of bevreemdt.

Kunst is het licht van de toren.
Licht voor het zicht het te zien.
Kunst uit beweging geboren
komt – gaat – ontstaat sedertdien.

………………………………………….

Ainmoal in vattien doagen op dit stee twij gedichtjes.
Ain in t Grunnegers en ain in t Nederlands.
Ain of meerdere foto ’s van Tinie der bie tou.
Foto ’s en gedichtjes vertellen joe wat over n biezunder
of wondermooi stee woaraarns in n noordeleke regio.
Goa veur meer Rondjes Noord noar Dagbouk en scroll
omdeel.
Goa veur meer foto’s noar www.tiniehoek.nl