Archief veur september, 2013
Moandag 18 november – leste opnoamesessie
In september bie studio Ridderbos weer n gesloagde muzikoale opnoamesessie
beleefd. t Was sums en din eefkes deurbieten mor aan de meet wazzen
we weer n haalve spaigelploat wieder.
Moandag 18 novemmer zel we bie Bert Ridderbos ien Nij Stoatenziel de nog
ontbrekende nummers opnemen van t projekt dat oeteindelk vaaier nije
spaigelploatjes oplevern zel.
Dizze spaigeploatjes zellen rond begun novemmer 2014 tougelieks verschienen en bestoan oet:
Twij Grunningstoalege thema-spaigelploatjes
Ain Grunningstoalege spaigelploat mit 12 – tot 14 nummers
Ain Nederlandstoalege spaigelploat mit 12 tot 14 nummers
t Gehail van de veurnomen oetgoave zel verschienen onner de noam “Dagbouk”
Wordt vervolgd.
Zotterdag 19 okt. in t kerkje van Olschanze
Zotterdag 19 oktober verzoamelt zok in t mooi kerkje van Olschanze n clubke
van omtrint datteg reünisten van n Amsterdams studentendispuut
Zai binnen dij dag in onze kontraainen bie wieze van kennesmoaken- en vermoak
en ik zel omtrint 15.30 u. mien best doun om op dat stee heur n indruk te
geven van ons wondermooie Grunneger toal.
t Gebeuren is vanzulf besloten.
Rondje Noord 29 – Denemarken 2008
Foto Tinie Hoek
Produkt van demagogen
Doe mit dien kikkerogen
Dien braide – wraide bek
Produkt van demagogen
Veur die gain aiveg stek
De zee zel die verrieten
En t zolde wodder bit
Dut dien betun verslieten
Aan t ìnne van de rit
Din zels doe zo verschroalen
Dat wind dien stof verwaait
Wors deur de tied vermoalen
veur aiveg en veur aaid
As t nait zo is – ik neem mie
Mien mantel en mien staf
Vervluik die en vergreem die
Van oet mien eerden graf
Doe mit dien kikkerogen
Dien braide – wraide bek
Produkt van demagogen
Veur die gain aiveg stek
………………………………………
Hatelijk beton
Elke morgen vliegt een musje
naar dit grauwe bastion.
Maakt een krasje – geeft een kusje
aan dit hatelijk beton.
En zo slijt er dag na dag
ietsje af van wat hier staat.
Tijd – heet de slijtageslag
waar het aan ten onder gaat.
Geef me dat diezelfde tijd
alles aantast – erodeert
dat tot zulke monsters leidt …
opslokt- en voorgoed verteert.
………………………………
Omtrint twijmoal in de moand op dit stee n gedicht(je) mit ain of meerdere
foto’s van n biezunder of wondermooi stee woaraarns in Scandinoavie.
Goa veur meer rondjes Noord noar Dagbouk en scroll omdeel.
Taal an Taofel/ Vries 17-11- 2013
Taal an Taovel speult onner de parreplu van het Huus van de Taol en Het Drentse Boek
Telefoon 0593 371010 www.huusvandetaol.nl E-mail info@huusvandetaol.nl
Taal an Taovel wordt holden in Café Onder de Linden – Brink 4 in Vries
op zundag 17 novemmer tel: 0592 541224
t Programmoa begunt om 11.00 uur en duurt oeterliek tot 14.00 uur en bestaait
oet poezie- proza- en zang/meziek
Bie dit gebeuren is n lunch inbegrepen
t Is mie n groot plezaaier da k nuigd bin om een muzikoale biedroage
te levern
Rondje Noord 28 Denemarken 2008
Du ringer en vi bringer.
In Denemarken vloog n iem
(Mor aigelks was t n bromster)
Mit veul gevuil veur klank en riem
op zuik noar Vita ’s Blomster
Onder t gezegde: Bid en Waark
of: Ora et Labora.
Mouk hai zok aaibels drok en staark,
Veuraal veur Interflora.
n Drager zee hom: Slappe hap,
bekiek het – dikke vinger.
Dou mie wat lekkers van Kebab.
Du ringer en vi bringer.
Omtrint twij moal in de moand op dit stee n gedicht(je)
over n biezunder of wondermooi stee woaraarns in Scandinoavie