Archief veur december, 2011

Hoeskoamerkonsert en Goultheoater


Vrijdagoavend16 Dezember deur regen en wind aan de rit noar n vaailege hoeskoamerwoaraarns in Grunnen. 

Doar was t lekker waarm  – vaaileg en sfeervol verlicht  en t vuur in de heerd haar der
ook zin aan.
Op n laange toavel ston n keur aan drinken en drankjes en feesteleke schuddels mit hapkes.
Gasten kwammen ain noa de aander binnen en rond negen uur kon ik begunnen aan mien
eerste  halfuurtje mit lutje vertelsters – laidjes – ballades en gedichten.
Kerel wat n idee om mie veur zowat te vroagen ……en wat n idee om joen beste vrunden
veur zowat te nuigen. Echt n  gezellege boudel mouken wie der mitnkaander van.
k Heb der zulf ook aaibels van genoten want bewoners en gasten haren zichtboar en heurboar
wil van mien optreden en boetendes:
Tiedens pauzes was der de wereld te ontdekken veur de lekkere bekjes en deurgewinterde
dikkerdakkers.
Jammiejammie!  En din aal dij drankjes….mor ja…….Popke Nathaals mos nog rieden…mor
thoes het hai der nog aine op nomen …..pardon………twij……Proost lu…tot aander moal!

 

 

Jan knollemoa zien Goultheoatertje in Spiek was aanderdoags (Zotterdagoavend 17 dezember)
oardeg goud bezet.
Om kwart over aacht mos ik mit t wotter veur de dokter. Drij blokjes van n haalf uur.
En zo as dat wil as t mooi gaait: Oavend was ook mor zo weer veurbie.
Jan haar t noa tied vot al weer over 2012 en wat mie aanbelangt: Ik kom groag nog weer n
moal oet want dat lutje Carré kins die aigelks nait veurstellen as je t nait zain hemmen.
Sfeer en sfeer en sfeer en ales in t klain wat grode Carré in t groot het. 
As Jan oet tied komt gaait zien theoatertje noar Madurodam…..let op mien woorden.

Jan het zien theoatertje inbaauwd in t “Goul” van zien boerenschuur.
“Goul” betaikent: roemte aan binnenkaant van de zoelen, doar vrouger t koren of t heu
optast wer. (Kiek mor in Ter Loan blz . 273)

Scheuvelloper, zanger, schriever, entertainer, fulmer, doezendbainder Free Westerhoff het de veurstellen digitoal opnomen. 
Vanzulf dat ik brandnijschiereg bin noar t resultoat mor ik mout nog even geduld hemmen.

Eppe Bodde Jr. Konsert 21 – 04 – 2012


Van Schubert tot Lennon en Mc Cartney 
Op zotterdag 21 april 2012 staait der in De Tramwaarkploats in Winschoot
n konsert op t program van de Grunneger zanger Eppe Bodde Jr.
Eppe viert din t feit dat hai viefteg joar leden aan zien  raais deur t muzikoale
universum begunde.
t Is mie n eer en genougen om n biedroage levern te kinnen aan dij dag.
De oavend begunt om 20.00 u.
Muzikoale gasten: Mineke Potgieser – Hans van der Lijke – Nina Hofstra 
Margreet Steenhuis – Berny Jansema – Roots ’66

Twijde sessie opnoame nije spaigelploat


Moi!
Moandag 20 feberwoarie 2012 gaait in Nij Stoatenziel bie
Bert Ridderbos de knop weer om.
Din zel we weer probaaiern of wie weer wat wieder kommen
kinnen met opnoames veur n nije Grunnigstoalege spaigelploat van
Hans van der Lijke.
De weg doar noar tou is aangenoam en  onnertied  hollen wie t doul
stoareg wat ien de goaten. Dus…..t  komt van dij gevolgen wel goud
en oeteindelk wordt weer mooi!

Groutnis……….Hans

Rondje Noord 3


 

Scroll veur Rondje Noord 2 en 1……..en  nog veul  meer,  omdeel.

Laplaand Noorwegen 2010

Zo dreug as beschuut

Zo bistoe geboren oet kuut en oet hom
Mit bruiers en zusters omrond en rondom
En swims deur n daibe oneindege kom

Zo bistoe geboren oet hom en oet kuut
Mor din noadert dien lot en hangs à la minuut
Op kop aan dien steert en zo dreug as beschuut

 

Rondje Noord 3 – Noorwegen 2010

Éen broodje Shoarma

Mevrouwtje schiet haar kluitje kuit.
Meneertje perst zijn hom er uit.
En heel het kabeljauwenkroost
wordt zo bij voorbaat al geloosd
en zonder spijt en barenswee
geschonken aan de zilte zee.

Zo wacht daar dat verweesd gebroed
een oeverloze overvloed.
Beweegt zich zonder zorg of strijd
op weg naar wasdom door de tijd.
Maar die er zijn geluk verbeurt
wordt wild het water uitgesleurd.
En volgens onontkoombaar script
van kop en ingewand geript.

Frutti di mare – al dit ooft
verdroogd en van de ziel beroofd
doet zachtjes rammelend verhaal
in dorre – stokvisdroge taal.

Als ìk reincarneren zou…
dan denk ik niet…tot kabeljauw.
Ik heb hooguit het karma
voor slechts één broodje shoarma.

Gruin licht bie Goultheoater


t Optreden in Spiek in t minitheoater van Jan Knollemoa gaait deur.
Ankom 17 dezember om 20.15 goan gerdienen open en bringt
Hans doar n programmoa van omtrint drij moal n haalf uur.
Aal kozen oet zien veurroad aan zulf bie nkaander schreven matterioal.
As t der op aan komt binnen optredens in Jan zien theoater besloten….
mor as ie der meer van waiten willen……
Jan Knollema
Grote Dijkstraat 17
9909 BK Spijk  goultheoater@gmail.com