Archief veur november, 2010

Signeersessie veur nije Spaigelploat


Vannijs Geboren(Open) Nieuweschans – Op zotterdag vaaier dezember van 14.00 u. tot 16.00 u. signeert Hans van der Lijke zien nije spaigelploat in t winkeltje van de Graanrepubliek.
t Winkeltje is onderbrocht in: De Oude Remise,  Oudezijl 1, Bad Nieuweschans.
Vanzulf dat Hans tussendeur ook wat heuren loaten wil van wat der zo al op zien ploat te beluustern is.

Prezentoatsie “Vannijs geboren”


Prezentoatsie spaigelploat VANNIJS GEBOREN in Schanze.

Nooit eerder zo n ploug mitmoakt……swoagers – schoonzussen – nichtjes – dochters – mien betere helft – en ik zee de gek….
Gain ploug van honger en durst,  mor n ploug van vroleke aanpakkers. Van dij gevolgen zatten wie zundag 21 november om twij uur al kloar en  te wachten op ons eerste gasten.

Wieder lezen »

Nijjoarsveziede vrijwillegers Oproakeldais


(Besloten) Warffum – Nijjoarsveziede veur de vrijwillegers van Oproakeldais.
Vrijdagoavend 14 jannewoarie 2011 om 19.30 u., treedt Hans op
ien heur Oproakeldaisgebaauw ien Waarffum.

Kerk ien Noordbrouk


n Daam – 14 november

Wat t weer aangaait, waas t  dis zundag mor n dag om ien de gruine bak te doun.

Dou k nog as concierge deur de laange gangen van de Meentschool ien Winschoot parredeerde, kwam mie voak n kereltje ien de muide.
t Jonkje haar n licht sproakgebrek en zaag der mainst wat bekommerd oet omreden dat de wereld hom bliekboar nait recht bekoren kon.
“Nissaan meester Hans”, zee t kereltje din voak.

“Nissaan meester Hans”, zee ik vanmurn tegen miezulf dou k gedienen
van sloapkoamer bezied schoven haar. Graauw, dokeg, motteg novemberweer.

Wieder lezen »