< Terug noar overzicht van mien Dagbouk

Spaigelploatje wordt deupt ien Schanze

Dagbouk RSS

21 November zel t weden dat mien spaigelploatje ien Schanze deupt wordt
ien t atelier van “De Graanrepubliek”.
Dij Graanrepubliek is n Stichten veur Kunst en Kultuur doar meer as 30 grotendails Oldambtster kunstenoars en artiesten lid van binnen.
De leden van de Graanrepubliek hebben heur stee bevochten ien DE OUDE REMISE in Bad Nieuweschans om van doaroet heur krachten te bundeln en heur artistieke produkten publieksgericht veur t daglicht te bringen
www.degraanrepubliek.eu

t Wordt schaand genogt gain feestje veur elkenain dij aanlopen komt , want zoveul roemte hebben we doar nèt nait…..en boetendes kin Bruun dat nait trekken…..mor t is mie n vreugde da k  joe verkondegen kin dat t spaigelploatje sund 26 oktober al te koop is via dizze site

VANNIJS GEBOREN is n spaigelploat ien n luxe verpakken van DVD- formoat mit in totoal sikkom n vol uur meziek (16 nummers)

1    Hou riek is mien laand
2    De keunenk van t Oldambtsterlaand
3    Blief doe mor bie mie doe
4    Ien t Slochterbos
5    Johanna
6    Aailand ien de aiveghaid
7    As de laifde noar mie laagt
8    Zee is mien noam
9    As is as
10  Dat snappez vous
11  Jannes
12  Vannijs geboren
13  Hier op t heden
14  Suze Naanje
15  Wit vlindertje
16  Wadwerderweg

Ale laidjes binnen opnomen ien de studio van Bert Ridderbos-Korte Akkers-
Veendam (http://www.noordfolk.nl) Bert het mie bie de nummers doar t lieden kon
akoesties ondersteund en doar is t nait minder van worden

Doar t ook nait minder van worden is…..dat binnen de foto s van Tinie Hoek
(Mien betere helft) Tinie het ien heur bestand foto s bie-nkaander zocht
dij as illustroatsies ien t tekstbouk terecht kommen binnen maank de laidjes.
Ien dat tekstbouk van 24 bladzieden, kinnen ie dij laidjes regel veur regel noalezen.
t Is n mooi gehail worden veuraal ook deur t kurege design- en t taikenwaark van dochter Vita.
Fré Schreiber het mit rood pollood de teksten veurtied bielaangs west en korrigeerd op toal- en spelfouten en dat was achternoa bekeken n goie zet.
Bie Eddie MeijerVMIcd -Tynaarlo was de leste etappe noar t febriek ien goie handen.

As VANNIJS GEBOREN deupt wordt op 21 November wil k wis en zeker
Henk Scholte mien spaigelploatje aanlangen
Henk het dat as boetengewone aanpeerdjerder van o.a. alles wat mit Grunneger meziek  te moaken het, drij-dubbel-op verdaind.

Mor wat ik  even eerder hier al schreven heb:

VANNIJS GEBOREN IS OP T HEDEN AL TE KOOP
IE KRIEGEN HOM VEUR EURO 14.95  INCL. VERZENDKOSTEN DEUR T
KLEPGAT VAN JOEN BRAIVENBUS OP DE DEURMAT MIETERD

BEL MIE: 0596 567822
OF BETER NOG, MAIL MIE: hansvanderlijke@gmail.com

Groutnis

2 reacties op “Spaigelploatje wordt deupt ien Schanze”

  • Janny schreef:

    Mooi waark zo’n spaigelploat moaken. Ik kom groag bie de deup op de 21ste november.

  • M Waarheid schreef:

    Geachte heer van der Lijke,

    Bij deze wil ik graag uw cd “Vannijs geboren” bestellen.
    Bvd.

    M Waarheid,
    Lageweg 45,
    9472TJ Zuidlaren.
    0504091750

Zet n reaktie op stee

Velden mit n * binnen verplicht

< Terug noar overzicht van mien Dagbouk