Archief veur juni, 2010

Nijjoarsveziede Kaddelieke Vraauwenveraain


(Besloten) Nije Pekel – Nijjoarsveziede op woensdagoavend 12 jannewoari 2011.
Veur de Kaddelieke Vraauwenveraain Nije Pekel.

Sekonnen


Kreeg ik guster mor zo n meeltje van Free Westerhoff.  As ik Free zien site bekiek, din is Free n soort veelpleger. Gain krimineel vanzulf, en zeker gain draaideurkrimineel mor wel n draaideurdounder.  Free is schriever/dichter/zanger/filmer en ook nog scheuvelloper. Veuraal dat scheuvellopen van Free vervult mie mit ontzag want Free het al tig moalen mitdoan aan twijhonderdkilemetertochten. (Weissensee en zowat meer)

Wat dat scheuvellopen veur miezulf betreft; ik bin nog smui en vereg zat mor zo gaauw dat ik mien scheuvels onder heb, krigt mien zulfvertraauwen n
giga opdonder, zodoaneg datter van mien moteriek mor waaineg overblift.
Wieder lezen »

Iesland


EVEN VEUR ALES AAN: K ZIT MIT BERT RIDDERBOS IEN N TWIJSPAN  ONDERWEGENS NOAR N CD MIT 16 NUMMERS
(MAINST NIJ MATERIOAL,  AANVULD MIT N POAR NUMMERS DIJ
NOG NOOIT EERDER OPNOMEN BINNEN. )

WOARAARNS  ANKOM OKTOBER/NOVEMBER  KOMMEN WE MIT T WOTTER VEUR DE DOKTER. T WORDT N SCHIERE BOUDEL – HOL  DIS WEBSTEE DOAROM GOUD IEN DE GOATEN ! 

……………………………………………………………………………………………..

Iesland,

Op Iesland heb k vleden joar n laange ballade schreven over de speulse wind dij over dat sprookjesachteg mooie aailand waait.
Dat laand mit zien aalsmor daldernde, beulende wind het zo n daipe indruk op mie moakt dat ik t opnomen heb in mien testemint.
Wieder lezen »

Aailand ien de aiveghaid


Oh volk van onder Zwolle en aan aander kaant van t IJsselmeer!
Wel van joe maint dat de Grunneger toal mainst boers- en lomp- en swoar is?
Ik zeg joe dat ons toal licht en luchteg- laif en kloar is.

n Verlaifde Grunneger kin sweven.  Nou ja, dat is meschain wat overdreven…..mor toch….gooit hai bieveurbeeld zien aarms as twij vleugels bezied, din komt hai mit gemak over ain nacht ies. Din komt hai, zunder n spoor achter te loaten over t zaachte zaand van Schier of Rottemerploat. Din lat hai op n kloare winterse morn nog gain voutstap achter op t widde loaken van vris valen snij.
Wieder lezen »